捐血

曾經是長期捐血者，有段時期身體差捐不了，有時是忙得忘了，早前呼籲沒去逼，假期第一天趁閒日人少少就去了，希望微少的力量幫到手便好！

其實真的唔痛，只是一下少少而已，果個位冇乜神經線，唔使驚的。以前我會打麻醉針，但後來試左唔用，其實冇分別的，所以唔用都無妨。

能捐血是福，我唔少朋友有心但都唔捐唔到，願大家都做個有福人！

PS，認下叻先，我係捐血快鎗手黎架！女仔體重唔捐得多，但捐350ml我只係用4分鐘多少少，姑娘都話我快架！不過呢個唔係最快的記錄！