i ) 牙刷牙膏漱口杯
找了很久才到個合適的漱口杯同牙刷牙膏插座
話說最初睇中左delong的玻璃套裝。
但好貴，400幾蚊，好似唔多抵。仲有杯正放會有積水係入面，唔衛生。
又睇過另一台灣牌子，day & day，d款都幾好，平些，200左右，又有倒轉杯放的款，但最後都冇買。
因為玻璃杯漱口撞牙的感覺，好似唔多好。
同埋玻璃底唔似delong係磨砂玻璃底，水漬會好明顯，擔心好難洗。
膠那些又唔多靚，franc franc靚d的又6x一件，一舊膠好似唔多值。
諗住放棄時，有日俾我係蝴蝶村的日本城見到呢隻杯，$9.5/隻！即買2隻加多個底盆 ( $10 ) 添。
又係太子的雜貨店買到呢個得番一件的水晶花膠牙刷牙膏座，襯埋一SET，好中意喎！
共 $60左右咋。
又易洗又唔拍打破。
ii ) 分門別類
買多個天上野的架同d真空鈎仔，放好浸浴沖涼常用的野，唔使成出去拿，一堆咁唔知塞去邊。
另外出面個櫃又放番整齊，磨砂、mask等放番入來，方便左，也勤力左敷！
呵呵。
FRANC FRANC張紫色靚靚浴缸防滑墊成日濕住難乾，又用個鈎掛起埋。
連洗手液都吊起埋，唔好有漬水！
iii ) 工具放置
本來地拖、掃把、窗刮、吸水器都買左呢個holder放係露台邊的，好似好好用。
但佢要鑽孔，唔想鑽，貼鈎又唔夠力，最後只好分開放。
呢兩個洗手間常用的放左係度，可能最後都會放晒入來，門後面睇唔到乾手淨腳。
iv ) 清清廁所
洗手間好重要一環係阿清個廁所！
之前搬來換左個新的，入口位有格格，已經少左帶D沙出來，再保險D加多個盆係出面，但之前宜家個TRAY太大，開唔晒度門。另一個一跨便出。
度位買番個剛剛好FIT的俾佢！只係佢暫時都唔多中意用，會跳過咁跳出來，精甩尾！都唔知佢似邊個！
v ) 抹玻璃貼、小凳子
之前係吉之島買的魚魚同水草貼，抹乾淨塊玻璃再貼過。
D水漬好難起清呢！
又買左張多用途的小凳子。
