原來佢話個agent真係由220講到200萬喎，於是浩浩約左阿濤ealie過來一起看看，於是我都走，乘的士落灣仔轉村巴，最快速度645回到屯門。
個心有些亂，昨天我們傾過計過數，其實個方向我地都滿意，個價都唔會蝕，但我自己始終中意37樓多些，尤其計過只係每個月供多幾百之嘛，宜家買左都唔會再換的啦，買得咁貴樓都唔差左吧，但20萬又好似好多，都要儲好耐，同埋可以做多層樓的首期了............
唉，睇埋佢地意見先算吧
業主要食飯，約左1945上去，我地係吉之島睇左陣bb野先去。
第二次睇，覺得都中意的，尤其向南，真係好涼好舒服，今日咁熱出到露台都好好風，2房2廳都仲好新淨四正，廚房都大。
出來問money拿左最近成交便去食飯先，大家都餓。
去左好日子食飯，估唔到ealie同阿濤都覺得好好喎，仲話呢個層數好過高層，佢地之前都係咁，差8萬都唔買52樓而買7樓！佢話我地現在呢2間差咁遠更加唔好買高而貴，將來放租或放出去回報都多好多，10%都唔少咁話。
佢地講都有道理的，同埋佢地都認同算抵買，有升值潛力。
而各銀行的估價都ok，保守的中銀都高少少，209，阿濤話都覺得有少少比巿價平，ealie話入去屋苑至間屋都覺得舒服，反正自住，買得過！
於是覆個agent，約簽約。
佢地回家。
我地自己上去，都成11點了，但快些搞掂免日後煩，因為咁橋下來時撞到隔離的jacky係電梯，money話佢知我地選樓要求，又見我地係邊層出，都估到下的了，而且佢都識業主，免佢做唔到生意係背後搞鬼，都係的，反正都決定買，便快趣搞埋啦！
得番2個老人家係度，簽左勁多名，搞左很久先走，走時都已差不多1點了！
很奇怪，我同浩浩都有越看越中意的感覺，不竟快做業主住新樓，開心的。
簽約仲要決定埋要唔要佢地的傢俬咁，即要諗埋裝修，坦白講我唔中意要人地的野的，我有潔癖，但佢的傢俬又真係keep得ok新的，掉左又好似有些浪費，於是要左少少基本野，即燈、窗簾、層架、鞋櫃、地櫃、衣櫃同床，要住先囉，要掉隨時都ok，而佢細房同廳所有都請佢拆走。
本來有少少覺得2個老人家慘，賣左層新樓住番居屋，個仔同個女又自己買樓住，但聽聽下先知佢地係買樓賺慣錢的人，之前買過碧堤添，呢處都賺成80萬，一d都唔慘呀，我太多心了。
但至少知間屋乾乾淨淨，住的人都四四正正。
因為佢地要等個仔聚康那邊裝修好，搬出翠寧，再裝修翠寧搬入，先可搬出呢度，於是要11月中先肯交樓，咁長成交，冇法，同埋有風險，阿濤話一樓巿狂升，佢隨時俾雙倍訂反口，我只係擔心樓巿跌估唔足價做按揭有問題姐，但浩浩只係擔心有排都未有樓住，唉，都係煩。
太累，同埋太久先有樓收，未識開心添。
沒有留言:
張貼留言