睇結婚戒指──六福

昨天食完飯行過樓下商場，好隨意咁停左係六福門口睇下，姐姐叫我們入去看看，於是又入左去睇，第一次睇結婚戒指添。


因為我們都中意簡單款，於是哥哥就俾左最普通乜都冇的光身款我們試，即係很久前我中意的 TIFFANY & Co. 款，但戴左上去又好似太plain了，果然係要試上手才知合唔合適的。


浩浩戴17號，我太細冇size，都冇諗住買，冇所謂，都係要再看看的。


純鉑金，今日價13000，加埋手工，我同浩浩一對都係3千幾，真係好抵喎。
點解仲會有人買K金的呢？


不過呢對戴上手好薄，同埋哥哥話乜戒指戴得耐都會花，磨砂款花得仲快，光身面可能仲好少少，除非整對鋼的戒指啦(.........咪玩啦！.....懶好笑........)，做定心理準備都好的。

嘻，第一次試結婚戒指，雖然好鬼求其，都冇諗住買住，仲著短褲crocs，但都幾sweet。
不過可以想像到將來我同浩浩實會因為買戒指而吵囉。

反而佢的金器龍鳳鐲等好靚又多款，幾好。