城浸音樂佈道會──王祖藍講見證

很少係度講信仰
跟朋友也少....
因為怕自己講得唔好，會令人有反面效果添
(以前係教會學校做，有同事話一定唔會信，因為見到信的人做的野，比不信的人更壞，呢個神好極有限.... )
聽左心裏很難受，也覺得很可惜


我做得最多的只是，不隱瞞自己信，同時只懂告訴人呢個信仰好好，但點好，對唔住，我唔敢講，怕太hard sell

如果你有幸已經聽過我講有關的事或邀請你出席某些活動，恭喜你，你是我敢於冒著被嫌惡嫌棄，仍肯扯破臉皮要去說 / 做，你能想像你對我有幾重要嗎？





今天教會有音樂佈道會，其實冇諗住去，但媽媽同妹妹極想去，同埋講見證的是王祖藍，一個我好欣賞的藝人，所以最後都係去左

不過回來仍覺得好彩去左，真的好精彩！


精彩之處唔係王祖藍的搞笑 / 講野技巧有幾吸引人，當然佢真係好入屋，好易吸引人聽佢講下去。

其實佢的故事很多年前，我還未知誰是王祖藍時，我已聽佢係教會講過，但原來只要是真實的故事，那刻的感動，平平淡淡的說出來，已經很能牽動人心。


基督徒相信天父，但天父從未像其他信仰一樣，承諾會讓信佢的人一帆風順，也沒有說過令你病痛苦難少一分一毫，但為什麼仍有咁多人願意去信，而且信左後會咁開心咁喜樂？仲咁想其他人也信？
你會覺得是因為這些人太無知 / 天真 / 迷信？
被騙後也來騙人一起笨？


希望將來有一天，大家都有機會和耐心去多探討一下，了解更多才作信與不信的決定


今天我也學會了另一樣事，希望將來我也能做得更好！

*************************************
敬畏耶和華，是智慧的開端。
認識至聖者，便是聰明。
                                                 箴言第9章10節