執廚房第n回

掉左上次買的刀插，因為把大菜刀成日用，拿出拿入多，插到d一枝枝的膠條斷晒，好難再插番入去。

本來有諗買個最普通的門邊刀插便算，但朋友仔又講得o岩，萬一掉下來整到又唔多妥當喎。

最後俾我係franc franc買到個花花刀插，好鬼靚，剛好放在窗邊！

重新執過d櫃，將d碟放番落下面的櫃，直放，唔使爬高拿碟，也不用碟疊碟，安全又方便得多。有碟21隻！

杯、水樽集中埋一個櫃，整齊好多，但太多杯了！又冇理由掉的嘛，唉...其實睇番冇乜邊隻係買的....咁多人咁多理由送杯的？！

掉左個放碗碟的膠盒，把據稱可溶雪又常用的鑊放出來，乾碗架放埋焗爐底，空番一邊做準備區 ( 以前家政堂教的 term )，唔使下下係個角落切野咁慘！

換左個新電水壺添！Panasonic 3L ( 格價後在浩浩 force 的電器部買最抵 )。

廚房感覺整齊企理得多，人都開心d！

又買左好多野添！

1) 好用的天上野抹布

很久前買落兩盒，$100兩盒得10條，超級好用，斷貨一輪，而家出番，但要買一大pack，不過平左好多，平均 $ 4條，易乾唔會有臭味，抹野又乾淨，清洗容易，唔會油淋淋，可以抹埋其他野，甚至洗臉巾添！ ( 天上野counter收埋左的，要問佢先會拿出來，同埋未必個個counter有得賣 )

2) 天上野噴油壺

一早諗住買噴油壺，但冇諗住買呢個牌子的，但佢又平又靚，買埋。

3) FISSLER不鏽鋼鑊保養劑

洗鑊洗煲用

4) microban小砧板

之前買的大好好用，買個小的切水果 / 薑 / 蒜，唔使下下拿大，方便d。

以上物品係sogo用張中銀sogo咭買有95折，所以超中意係sogo買野！

4) FRANC
FRANC雨傘

那天下大雨，把傘好靚，又唔算貴，$85買左。

5) 青色桌墊

呢塊係草蓆款，同紫色的布款可以交替用。 

廚房應該真的差不多了！