yahoo blog真係好鬼cheap的！
明明打好晒，post左，但第二日仍然可以當冇事發生過！正xx！
俾我hea左成個幾兩個月的書房，其實中途不停咁執，執來執去，好似永遠玩唔完咁，終於係畢業典禮後放假一天時，俾我頂唔順，埋左單！
講多無謂，睇相吧！
清爽晒！有番條路行，有位擺野，有位做野，非常好！
呢個位搞左好耐，賣晒d野，3箱2籃的cd上晒cd架，放左書桌的櫃仔，仲可放暖爐、後備椅同鴻運扇仔。
最估唔到係呢個櫃仔放得晒我大部份的護膚品同化妝品！
書桌下放左兩部腳底按摩機，櫃仔唯有放出來，都好，方便拿取。
之前買的宜家dvd架，好好用！仲未滿，也有位放多一個，當然最好唔使。
之前執好的書櫃！連床底的相簿都拿埋出來，各式書、小說同雜誌都放晒係度，非常方便，好中意呢個櫃，真係放好多野。
單趟鏡門另一面放左file文件、文具、相機、玩具、過膠機等物品，仲有一格可發展空間！
櫃頂都俾我放左紙箱，唔使驚，入面大部份都空的，不過掉左d紙箱好似好浪費咁，放住先姐！
另附兩張之前的相作對比先！
係咪好大分別？忍唔住想讚下自己！謝謝！
***************************************************************
13/6/2010
話說昨天想執單，但敵不過睡魔的引誘去左午睡，跟住想開始又找唔到打孔機！出師不利！
晚飯後去實惠買左個，孤身作戰！點知遇到搗蛋精來倒亂！
攤晒出來，逼住繼續，好彩後來有後援，同埋多得之前FILE得好，都唔算好辛苦！
用左三個鐘左右就執好。浩浩仲掉左好多舊單，但處理又係一大問題，到底單應該要留幾耐的呢？
*******************************************************************
12/6/2010
今日賣埋個鋼架同個雜物架，又收番幾百蚊，見咁好搵，於是upload埋個米奇多用雜物架添，希望賣得理想，計埋已經差唔多有成千，足夠cover買新cd架有餘！
回來訓一陣突然想執野，於是開工！希望順順利利啦！
**********************************************
3/6/2010
順利收貨，浩浩駕輕就熟的安裝埋。
仲好乖咁執好埋添！完成！
四正番晒，唔使一箱二籃先！
下一步係單！最恐怖！****************************************
2/6/2010
第二步：添置新櫃放置CD
睇過度過都係以前用開的宜家CD櫃最實用方便又便宜！
前天放工去左一轉CWB宜家，$229/個，買左3個 ( 以前2個，加多一個，唔夠先再加吧 )，加70元送貨，平過CALL VAN / 自己駕車拿，仲好快送添，2日咋！效率高！
今晚送貨！
waiting.....
**************************************************
1/6/2010
首先第一步：清掉冇用的雜物
俾我發現左網上賣傢俱，又即管試下，原來很容易。
很快地 ( 唔使一星期 ) 便賣左個宜家黑色高身書架、Trendyland Mickey房燈、宜家兩張兒童膠椅，仲賺番幾百蚊添！
真係好！如果俾我早些知道有這些方法，之前掉好多好新淨的野就可以唔使丟左咁浪費，又可以幫補下，一舉兩得。
仲有個實惠綱架、雜物掛架同雜物架未賣得出。
***********************************************
一直以來都唔想執書房，又稱之為雜物房，因為實在太恐怖了！
好似各式各樣的單據，說明書等，( 雖然我一直有分門別類的習慣，即有A4箱入起說明書、保養用的購買單據、其他月結單用FILE分好入起等 )，但每個星期都有一堆咁寄來，不停咁增加，唔執一輪便一大堆，真係好驚！
想執都無從入手！
入伙時只係執左D書入書櫃咁大把，呢一PART好整齊，已經覺得好叻！
其他文具、電器同叉電、護膚品、化妝品、相機用品、電腦配件又一箱箱！
跟住仲有浩浩一大堆的CD同DVD，自從搬新屋後更是大幅增加！
之前又點都唔肯搬埋果兩個宜家CD櫃過來，於是只好用各式膠箱膠籃暫時入住。
總之越看越唔順眼，拖得就拖！
最近廳個櫃來左，收起了一些雜物，都係時候到個房了！
於是決心開始呢個艱巨的任務！
沒有留言:
張貼留言