爸爸係度聽聖經！
話說爸爸自從跟弟弟番教會，識到一班相近年紀的朋友仔，又愛上左行山呢D有益身心的活動外，最感恩係佢真係開始想去認識天父，吃飯前會禱告！
認識天父最好的方法莫過於睇聖經！
只係爸爸始終年紀大，有老花，俾本再大字的聖經佢看都有些辛苦，於是早前專登去世紀書樓買左呢套碟。
係漢語聖經協會出的，聆聽版聖經，有齊新舊約全書，我買粵語版，其實仲有普通話版同英語版的。呢個係MP3版本，少些碟，而且可以係電腦同弟弟一齊SHARE。
本來諗住俾爸爸係車的CD機播，番工放工可以聽，但後來才知佢部機播唔到，浩浩咁橋換機諗住正好啦，點知佢又俾鬼左人！激死！
買個部車機又好無聊，家用的HIFI SET佢地都嫌複雜唔多用，於是疊埋心水買部簡易的CD PLAYER，但完來好難找的！仲要播到MP3的CD PLAYER真係好少！好彩俾我係CWB找到部，$499，又靚仔，GOOD！( 後來係荃灣都見到有呢部野 )
父親節送左俾爸爸，教左佢同媽媽用，希望佢地得閒可以一齊聽下。
估唔到今日弟弟話我知爸爸真係拿來聽，好開心！好感恩！
唔係因為佢用，而係因為佢開始真的去主動接觸天父！
為佢祈禱，終有一日佢肯放低自己過去，相信天父，將來各人番天家可以再做一家人。
家人肯接觸、不抗拒天父，實在可喜，願天父繼續保守，世伯、伯母早日信主！
回覆刪除[版主回覆07/06/2011 18:07:00]多謝sunnyma，呢個都係我心願，仲有我男友添！
恭喜！感謝主！
回覆刪除[版主回覆07/06/2011 18:07:00]係呀！非常感恩呢！
乜tray 都冇，你都係放棄夏天去，超焗熱！
回覆刪除放野係雪櫃頂適宜搵D個底闊身既先企得穩陣！
sounds so meaningful. i bought 3 books of bibles with cartoon.
回覆刪除[版主回覆07/31/2011 02:04:00]咩型式都唔緊要，最重要係帶到訊息俾人！ 願主祝福你！
感恩,感恩. 家人慕道超開心.
回覆刪除[版主回覆10/19/2011 10:51:38]係呀！恨左好耐，希望身邊所有人都有呢個福份認識祂！