神仙家: 2009

2009年12月31日星期四

2010年新開始

再見2009

2009其實是我很不快樂的一年
當然快樂的事不少
感恩的事也很多
只是不快樂的事實在太震撼印象太深
我這個人從不懂得說再見
尤其是生離死別的再見
到現時為止仍是不懂去說

公公婆婆爺爺姑婆婆
那些愛錫我的人長存我心內
2009卻添加多2個我愛錫的
真的很痛很痛
到底天堂會不會變得太過擠擁呢

浩浩說應該記著快樂的事
是的
快樂的事我也記不少
好朋友一次過嫁掉好幾個
身旁的BB越來越多
喜事從沒停
新居也不會少
我跟浩浩也為此一頭煙
每天睡醒都很感恩
我有工作的能力
我有喜歡的工作
我能賺錢養家
我有家人去愛護
我可以做喜歡的事
我也能做想做的事
生命實在太奇妙
奇妙在我可以見證主的作為

2010年的第1秒
我跟浩浩在教會中渡過
對我來說有特別意義
雖則浩浩還沒下定決心去作出改變
但我信總有這天的
我倆的未來在主手中
祂總會作最好的安排的

WELCOME 2010
TOMORROW IS ANOTHER DAY!! (By Gone with the Wind)

執屋完成

真的夠了，很煩悶的執屋工作終於完成了！

花了整整一個聖誕假期，總算把新屋所有的野執好了！

新一年唔想再繼續呢個工程！

當然，其實仲有地櫃未送來，書房也仲有地方未合心意等等，但全都下一步慢慢來吧，呢刻我收工了！

睡房

書房，暫時又名雜物房

廚房

客廳

飯廳

洗手間

坦白說，因為以前買落左d層架、膠櫃、膠箱、紙盒等等，宜家搬左用唔著，掉左又浪費喎，結果仲擺住係度，唉！

如知有人有興趣，請聯絡。

2009年再見了！
大project完成了！

2009年12月27日星期日

旅行喼

買左一個好中意，格左很久價的喼。

Pierre Cardin的黑色貓貓款

29吋大size

免費送貨

今日放假等送來

好大盒！

用棉紙包住，好小心！

貓貓與貓貓旅行箱

個輪有ABS系統，真係好正，尤其防震同推時，超順暢！
普通密碼鎖

內籠

很大！兩個人去旅行應一個箱便夠。

2009年12月26日星期六

傢俬完成後記

搞到昨天先至收齊晒D傢俬！

話說只係做3件傢俬：地台床、書桌、書櫃

睇番日子
25/10/2009 落訂
26/10/2009 度尺
29/10/2009 傾款式，四星期後送貨

27/11/2009 準時送貨，沒有遲，很好！

之前一晚我地清潔好晒，浩浩放假收貨，第二日我地去出血掃貨回家先睇到情況。

首先個地台，出來效果幾靚，儲物量夠大，離天花都仲有好遠距離，窗台條樑都唔係會好有壓迫感，證明我地的設計唔錯！

但床係頭尾靠牆，一邊靠窗，餘下一面有個衣櫃咁，但佢大概膽心太大入唔到 / 度尺唔準，於是長同闊佢都同我預鬆左成1-2吋！令到中間有空位唔FIT囉！留條隙俾我做咩呀！藏垃圾呀？但都算，因為放左床褥其實睇唔到的。

跟住個書櫃，成個幾靚，青BB囉，好實淨，塊玻璃都幾靚，我最擔心的邊位都貼得唔錯，一塊過反射埋出面的風景好好。

但頂上的邊撞花左成條痕，佢係咁宜用油補番便算。

最大問題係個書桌！

第一我地原來係話成個面係綠色，上舖透明玻璃，我專登找番張稿睇都冇問題，但點知佢幫我玻璃的位置油左白色，即係好白痴咁圍左條三面的綠邊！邊有人咁聰明架！

跟住佢原來話避地腳線，但我後來諗諗下諗起靠窗台那先有條邊，我專登上網找人地的相PRINT出來去同佢講睇點 (當時未收樓 )，佢同我設計上面面板向後凸出一吋便可避晒地腳線同窗台咀，又幾叻喎！就咁決定囉！

但送來時，我發現佢面板真係向後凸左，但兩邊側板竟然一起凸埋，咁淨係背板凹有乜用呀？！一樣頂地腳線又頂窗台咀，真係頂囉！

仲要旁邊同我撞到花晒、甩晒灰咁！

我份人都易話為的，唔係過份都算，但咁冇理由收貨囉！

浩浩話佢俾左D油可以補番！咪玩啦！

29/11/2009

同浩浩一早衝左落去傢俬舖！

擺晒款，扮晒惡 ( 其實都惡唔出，但一定唔好相與，追究到底款 )，仲拿埋相機影晒相俾邱生睇。

一開口問佢：「搞乜？！」

佢賴晒送貨唔小心，整花咁，書桌隻色係間廠唔跟指示誤會左之類，跟住我俾佢睇D相，同佢講書桌側板的大問題，佢話佢都唔知，一係找人即場去幫我整番，咁我話面板的色咁點，佢話唔可以即場油會唔平唔靚，一係換塊有色玻璃我，我話咁條邊點？我話不如貼條玻璃條、貼鋁片等等，佢聽聽下估我唔肯算，於是同我講不如收番張書桌上廠搞番掂佢！
梗好，但要十日八日囉！都冇法架！唔通算咩！

全程邱生都好好聲氣，我見佢都負責任的，算吧，只要佢跟得番俾我，我都算了。

也可能因為地舖有客係度，唔敢點亂來吧。

另外我地仲訂多左個地台腳踏，因為覺得張床太大，一級好細，也太高，多一級會靚D同感覺會平衡D，也可放多D衫。

都有諗仲同佢訂好似好笨，但幾百蚊佢知晒呎寸，而且那個腳踏佢其實做得唔錯的。
造多個矮的，加埋灰玻璃面，$600，唔連訂都唔收我了。

30/11/2009

晚上便找人來收左個書桌了，很快手！

1/12/2009

回去對住幾件傢俬諗諗下，發現仲有件事，就係書櫃的層板可移動，但按佢的孔移完都放唔到FILE，當然可以拿走一塊，但咁又唔實用喎！

解決方法很簡單，只係加多D孔便得，但佢冇一早幫我諗好，係佢疏忽唔細心囉！
講明我主要用來放書放FILE的嘛！

於是放工去同佢講。
另外書桌反正都收左要執色，不如索勝要全白，我地都唔係咁中意原本隻綠色，邱生超好人咁一口應承，安樂晒，等收貨。但佢話因為要上大陸，點都要十日八日，是但啦，但我講明等佢執野囉！

16/12/2009

送貨了，3個男人送來，浩浩去踼波，得我一個收貨。

係門口拆開，一望已唔知唔對路，仲係有青BB的綠色？
但佢其他幫我執番好晒。
另外那級腳踏都好四正。
本來都諗好唔好將就下便算，但又冇理由講左當無件事的嘛！

於是講話唔係咁的喎，佢地俾將單我睇又真係冇叫佢地整顏色，咁我咪找番D文件打俾邱生囉，佢冇人聽，打去舖頭話放左假，好彩個上次見過那個寸咀姐姐仔問我乜事，我咪講番囉，佢話轉頭覆我。

跟住我便聽到師傅電話响，其他人不停話都幾靚丫之類，想我收！
我又請佢地幫我執埋個書櫃層板，佢地又唔知咁，幸好都有工具，又肯做。

唯有見人講人話，話知唔關佢地事咁。

個姐姐仔唔覆我，我打去佢話係個廠唔知做乜無做，咁我話點，佢自己主動話一係咁再送番廠再整囉，我即刻話好，即場收走書櫃。
師傅梗唔好面口啦，仲要幫我整野，但我見佢地幾好心機，找左個腳踏600後仲俾左茶錢添。

我又唔怕佢間野走我數的，我黎緊放假，日日去嘈佢都唔得死！

加多左幾個孔，最厚的FILE都放到。

24/12/2009

浩浩打去問幾時送到貨，話26喎。

26/12/2009

真係如期送貨！
今次真係好靚仔，乜都跟足晒，連初初邊位撞花的都整滑晒，完全見唔到有痕！

好，一開始咁咪好囉！

都係白色穩陣順眼好多！放兩部電腦非常好！

我超中意的紫色襯白色睡房！5呎闊床褥，左右仲有1呎半邊位。

放左超勁厚床褥樓底都仲OK，我同浩浩企上去都未掂到天花。

加左級樓梯感覺平衡D，少少玻璃點綴同高低層次有少少變化。

清清最開心，成日睇街同訓覺！

總括來說：

1) 呢間野個邱生都OK的，態度好，即使有問題都肯負責。

2) 準時，如果唔係我唔收貨，佢次次都真係準時送到貨的，唔會拖。

3) 質素就一般了，我諗簡簡單單的佢冇問題，一定做到，我地起初都係要簡單款，基本上佢都做到晒。但一有QK小小的位，如避乜位等等，要準確度高的話便唔好預佢，相信係佢寧願鬆都唔想FIT到入唔到。

顏色也是，最BASIC的黑白灰最穩陣，隻綠色本來諗住有些生氣，但差些出事。

同埋宜家訂造全部係大陸做，始終個師傅唔會見到件貨，好難跟足，加上送貨的又未必識小心，有可能會撞花之類。

4) 訂造傢俬，樣樣一定要自己跟足D、上心D，有些細位師傅來睇過度過位都未必諗到。同埋要夠惡，有事一宜要據理力爭，朋友仔曾經試過遲收貨可以平D補番添！仲叻！

新屋好幸福(三)──浸泡泡浴

自從上年去泰國旅行，間酒店有個好靚的浴缸，買左支泡泡浴浸之後，便愛上了浸泡泡浴！

據說浸浴對皮膚、血液循環也很好，浸20分鐘等於跑左1公里步添！
仲言之鑿鑿話好多靚女明星的美容瘦身心得都係浸浴云云。

新屋個浴缸很小，但都可以浸到下，於是迷上左浸浴，尤其係泡泡浴。

浸浴第一件事係溫度，最好係42度左右喎，TGC個熱水爐較溫度好方便，直接按便得。(花灑下的電子掣) ( 不過有時要等分幾鐘先開到個爐，師傅來檢查時話係安全設施，個爐會開著個風扇吹走入面剩餘的氣體先會著爐，咁為安全都冇法吧。)

第二件梗係浸浴的成份！
暫時試左2樣！

1) 浴鹽

左：早幾年係英國買回來的BOOTS，只係當磨砂玩左幾次。
右：敏敏上兩年送的聖誕禮物，支handcream用晒十年，呢個一直冇用過，而家正好。

浴鹽的作用係消除疲勞，但我覺得點浸都會好舒服，加唔加分別唔大，但我多數加埋係沐浴露入面用。

2) 沐浴露

早前特價同事幫我買左set禮盒，入面支沐浴露加水可以變泡泡，理論上平時用開的JOHNSON & BABY沐浴露都得，但未試過。

呢隻真係唔錯，薰衣草好香，聞落好舒服好鬆弛。

另外，同事最近送左份聖誕禮物俾我，入面有BATH POWDER，黎緊又試下先，我仲想試下什麼牛奶浴之類，呵呵，諗下都開心！

其實FRANC FRANC都有唔少呢D浸浴產品，本來都諗住買來試，但又好似太彩色，好人工咁，驚個味唔好，都係算！
仲有鴨仔等玩具添，不過諗起間屋咁Q多野冇位擺，都係算吧！

放假時，得閒磨下砂、浸個泡泡浴，之後再飲番個凍飲，簡直係超級享受！
正！

2009年12月21日星期一

新屋好唔開心(一)──廚房

繼新屋好幸福後，新屋也有很多令人不滿意的事，最大一項係──廚房！

廚房的廚櫃好細，比以前間屋差起碼一半，加上喜愛煮野食，工具點會少？！

廚房細真的很慘！

2次搬屋時已經掉了不少殘舊的，來到……唉……要再割愛，掉左更多舊野，拿左些回家，都仲有好多！

唔可以怪晒我的，因為有不少係浩浩爸爸的，佢係警察膳食組的大廚，工具只會比我更多不會少，當時搬屋時點捨得掉！於是……繼11個煲3個鑊後……原來仲有好多！

首先係近15把刀、2把剪刀、2把燒叉，要記住呢個數係掉到掉無可掉剩下的。

我都唔知原本有幾多！

另外仲有碟，應該有近40隻，仲未計那些碗、筷、用具等等，連榨汁機都夠膽死有兩個 ( 唔係搞拌機，係真係榨汁機！唉！) 。

唉，都放唔到出來影相。

咁可以點？

聰明的生神仙梗有辦法的。 ( 不過係苦惱左成個月……花左三日四處行日本城、實惠、吉之島，拿住把尺左度右度，又用左成兩日的時間去搞…… )

但真的很痛苦囉！

詳情明天待續……

******************************

哈，呢個明天都明左幾日添！

嘻！

總括來說，分以下幾個步驟：

1) 丟棄：實在沒法，有些沒有用、殘舊的、太多，唯有掉些，最折衷。

2) 送人：把全新旅行用電水壺、電動榨汁機，送給爸爸拿回公司用或拿回大陸送親戚。

3) 分類：主要係按常用程度、大小來分區擺放。

4) 清潔：趁入人伙前 ( 佢地搬入櫃子前 ) 大清洗一下，又可以用個露台來曬碗碟架。

5) 找合適的器皿放置：設計合適大小的器皿，有在舊有的裏面找、也有親手製作、也有四處找尋合適的添置。

呢個步驟最難！睇相！

你估我做緊乜？呢個係買床單內的硬紙皮。

答案係刀座！剛好放係洗碗盆下面的架邊位！

呎格櫃真係挖空心思之作。

上次先買個架分開兩層，放左大部份的煲同鑊。跟住終於係吉之島找到個找左很久又度左很耐的米缸，真係好FIT，窄長高身，裝到6公斤，剛好一包5KG的米。

見左手邊有少少空間，下面造左呢個刀座放晒D刀，因為利器唔敢亂放又唔敢放高，呢度好適合。上面少少位再放D新又未開的清潔抹布、海棉等等。

最右邊轉角位其實仲有用剩的油漆、成盒的垃圾膠袋。

量匙、切水果器、隔渣器、罐頭刀、刨絲器、點火器、蒸餸架、煲魚袋、砌蛋器、添飯皿、上湯皿、夾餸器、沙律夾、飯勺、湯勺、鑊鏟、煎鏟、意粉勺……呢D小型用具好濕碎，但又好有用，以前有一大格櫃桶放的，現在D櫃桶用左來放碗碟 ( 因為碗碟係玻璃唔方便放高，所以櫃桶優先俾晒佢地 )。

上面個櫃超細，又唔實用！(櫃門大大以為入面好大…) ，於是係日本城買左四個膠籃分類放好。( 但每個成13.9-16.9，4個差不多70元 )

但有幾隻碟冇辦法都唯有放上去。

最上面係密實盒，準備放冬菇、海味等。

刀叉筷子等，唔中意一堆咁放，於是用番舊的膠盆分類放好，好整齊，但要放高囉。

左面的只係留左6 SET常用的而已，另外一些新的、少用的餐具係上面膠盒，我地有的刀叉套裝足足有12 SET，開一圍酒席都仲得，傻架，仲未計那些唔係一SET的添！當然呢D梗係浩浩爸爸的傑作啦！

個透明膠盒好大，係實惠用左成49.9買的，好貴！
但仲放晒造蛋糕的小工具、新的餐具。