新居好幸福(二)──睡房看星星

呢個係意料之外的發現

一直只知間屋望出去都算開揚，直至床褥送來，如願的可以床褥作椅子，坐在窗邊看夜景，已經超開心。

可是直至早兩天星期六，終於遇上天朗氣清的好日子，執拾執到深夜3點，以便第二天早上送梳化來，訓覺時趟在床上，才發現原來房間是可以望到天空的！

其實一早應該看到，只是唔知點解一直冇留意呢樣野，或者出面實在太多景太光了，真的從沒留意黑色的天空，更沒有想過咁光都望到星。

我同浩浩特意轉個方向訓係度，留心看，原來仲望到好多星添喎！

真係好靚！

估唔到係房可以看到去露營看到的景色！(當然冇郊外咁黑，望到咁多)，但真係望到，好開心！

臨訓前仲望到一粒流星添！根據天文台話，其實每晚都有百幾粒流星掉下，只係人沒留意，而家竟然望到！第一次睇流星係99年流星雨係龍鼓灘，上次係5月去塔門露營，今次係第三次，新屋入伙！

感謝主！

我地而家晚晚就係望住呢個景！超中意！

 

就係訓係度，望到天空。轉個頭向窗，可以望到再多D添。

 

平時早晚的景色。