音響架

有人係屋企玩音響，自然對放電視的地櫃有要求，最基本係放到佢個巨型擴音機 ( 闊17.5吋 x 深17吋 x 高8吋 ，仲要留位散熱) ！

但巿面好多地櫃內格一般都係7吋左右，有諗過訂造，但訂造傢俬有陰影， ( 唉，一疋布咁長，遲些再講……)，總之冇乜心水。

咁不如正正經經諗買D專放音響的架啦，有乜架皇等等選擇，好似都唔錯咁，又去看看啦，都真係幾靚的喎。


 

但有些看去好睇，但唔實淨，幾十kg幾萬銀的野放上去，點敢搏。

有些都係放唔落，有搏的成份，又唔係平，搏唔過，幾分就係幾分，入唔到點算呀。仲未計散熱。

同埋呢D架都真係唔平，閒閒地都五六千打上，咁的價錢買多部機都仲得啦，於是又再諗諗先。

反正屋企個舊地櫃仲可以用住先，再看看吧。


跟住俾我地係DSC睇餐桌時，睇到個又靚又平的，本來都準備仆鎚的了。

但有人都係嫌佢唔夠穩陣，會影響音色喎。

最後都係用番舊傢俬先，SET好晒！
但好多雜物，舊的ONKYO MINIHIFI SET暫時放住，舊電腦又諗住唔要，仲有好多線，下面放滿CD、DVD等，因為有人唔肯買番個宜家個超好用CD架。其實呢個地櫃大得濟，快6呎！

我唔中意隻色同款，所以最後都係訂左吉之島寄賣的呢個牌子，呢種款，但內格自訂。實木好重手！白焗漆加白玻璃，襯番個廳。

左邊呢個3呎半，右邊個5呎，我地選左中間4呎，但中間一定要有中間板固定，都好的。

下面那格其中一邊會拿去玻璃放AMP，上面放BLU-RAY PLAYER，另一邊放高清盒、PS3，上面放中置，仲有一格可以放常聽的碟。
不過最後改左23吋深，因為D線都好多好粗。
好彩高同深最多都可做到24吋，我地差唔多要盡咁濟。濶則$680/呎，諗做4呎定4呎半的，但都係唔好太大，最後決定做4呎而已，$2720，訂造傢俬乜折都冇，連吉之島咭、信用咭回贈等等乜都冇！

安樂晒，但要等3星期！
希望出來個樣靚啦。