新居好幸福(一)──露台晾衫 + 露台木丟棄篇

新居有露台，有成38平方呎，俾人話半間房咁濟，好浪費云云，但我好中意佢喎！我都係覺得僅僅夠咋，再大d的話仲好，可以放多幾盆花同桌椅、鞦韆等添！哼！


今日終於有一日假，冇野要趕住做。 <---等左好耐

只係等送梳化同餐椅，又咁橋陽光喎，於是洗晒積左好耐的衫！(因為之前露台用左來放野，天氣又濕濕咁，加上唔得閒係屋企，有空都不停咁執野，又換季咁，所以積下積下便很多衫要洗‧‧‧)


於是開機洗衫！

之前把部西門子大眼仔洗衣乾衣機洗乾淨，試過仲係work的，性能良好。

個洗衣球也好好用，D衫乾淨、冇味，連浩浩踢波D臭波衫都得應該冇野唔得，都OK柔軟，但就冇洗衣粉的香味囉，不過有太陽曬完便好清香，呵呵！！

話說仲買左個晾衫架，其實行左好多間，睇左好多款曬衣架！包括宜家、吉之島、千色店、sogo、日本城、實惠、一田、永安等等等等，巿面上有的大部份都睇晒咁濟，其實款真係唔多，本來心水係以前係IED JC用開的款，覺得好用又實淨，係宜家睇左款，但浩浩又話會生鏽、太重太高唔穩之類，中意天上野那些鋁造的，但我成日覺得佢輕飄飄！大風D都會吹倒咁。

宜家的JC款

但最後都係冇乜得選，屈服買左個天上野的7718款曬衣架。
有9折，$629，即管試下佢。
最方便係可以收得埋。
開左都唔夠4呎，可以打橫放，仲可以放多兩張椅在露台坐。

洗完衫，行出露台，係太陽底下收衫、晾衫，覺得好幸福呢！
不過要塗多些防曬了！呵呵！

*********************************
同場加映：

露台木尋找中.....

上手業主舖左露台木，諗住入伙清新一下D木的底先，點知實在太污糟！於是掉晒佢，浩浩仲花左好多時間去洗擦去漬咁，還原番原來的磗(見上面相)，考慮緊買過新的露台木舖上去，昨天見盈新居的木唔錯，現正物色中。

原本的露台木都唔錯咁，一格格舖好。

但原來下面好污糟，D沙、泥、塵等成寸厚，實在太恐怖！

浩浩好努力用左好多野去洗同擦

乾淨晒，但唔係好靚，想有石春圍住D木咁，有渡假FEEL。


有冇人有介紹呢？