搬屋

呢輪忙到傻左
為間屋走來走去....
終於搬左了
要謝謝朋友們的幫忙同支持

有借床墊俾我地的朋友、有幫忙清潔的朋友、有幫手搬野的朋友
謝謝

今早清晨0730我地便係田景出發，搬去海典軒，冇時間好似上次咁pack好晒入箱，於是好散咁好多雜物！

0900塞到一屋都係，成個露台都係雜物！經典！

早茶後，朋友仔幫手搬個雪櫃去我家，人力 + 板車 搬動，成功左！
仲有兩個篋睡單枕袋，俾媽媽揀卒，我真係太中意買呢d野！

之後去買廚櫃的螺絲，但買唔到......


然後便開始大清潔同歸位行動，預計要進行至少一星期。

由於睡房的衣櫃計劃有阻礙，停工ing......由廚房開始！

因為中意整野食，有1/4物品都係廚具，但新廚房原裝d櫃唔大，又有洗衣機佔左好多位，好唔開心！

度位後，午餐時去友愛的實惠買左個黑色鋼架，把櫃分成兩層盛煲同鑊，原來我地有煲10個，鑊3隻！好得人驚！

要停止再買呢類野！

好成功咁化左幾箱幾袋。

希望搞掂呢度後，便可開始搞衣物，咁便成功了一半，等個書櫃同書桌整番好便執晒，然後送梳化等來，最理想便是咁，希望一切順利。