新屋好幸福(三)──浸泡泡浴

自從上年去泰國旅行，間酒店有個好靚的浴缸，買左支泡泡浴浸之後，便愛上了浸泡泡浴！

據說浸浴對皮膚、血液循環也很好，浸20分鐘等於跑左1公里步添！
仲言之鑿鑿話好多靚女明星的美容瘦身心得都係浸浴云云。


新屋個浴缸很小，但都可以浸到下，於是迷上左浸浴，尤其係泡泡浴。

浸浴第一件事係溫度，最好係42度左右喎，TGC個熱水爐較溫度好方便，直接按便得。(花灑下的電子掣)  ( 不過有時要等分幾鐘先開到個爐，師傅來檢查時話係安全設施，個爐會開著個風扇吹走入面剩餘的氣體先會著爐 ，咁為安全都冇法吧。)


第二件梗係浸浴的成份！
暫時試左2樣！

1) 浴鹽

左：早幾年係英國買回來的BOOTS，只係當磨砂玩左幾次。
右：敏敏上兩年送的聖誕禮物，支handcream用晒十年，呢個一直冇用過，而家正好。

浴鹽的作用係消除疲勞，但我覺得點浸都會好舒服，加唔加分別唔大，但我多數加埋係沐浴露入面用。

2) 沐浴露

早前特價同事幫我買左set禮盒，入面支沐浴露加水可以變泡泡，理論上平時用開的JOHNSON & BABY沐浴露都得，但未試過。

呢隻真係唔錯，薰衣草好香，聞落好舒服好鬆弛。



另外，同事最近送左份聖誕禮物俾我，入面有BATH POWDER，黎緊又試下先，我仲想試下什麼牛奶浴之類，呵呵，諗下都開心！

其實FRANC FRANC都有唔少呢D浸浴產品，本來都諗住買來試，但又好似太彩色，好人工咁，驚個味唔好，都係算！
仲有鴨仔等玩具添，不過諗起間屋咁Q多野冇位擺，都係算吧！



放假時，得閒磨下砂、浸個泡泡浴，之後再飲番個凍飲，簡直係超級享受！
正！