2009年6月27日 星期六
睇樓──海典軒(4)
加上我們又有要求,於是斷斷續續只有極少量盤看。
今日又睇
早上10點去,祥益,未睇過的方向。
1座30H室,617呎,高層,的確好開揚,望泳池好靚添!
不過向西,正西!超曬, 曬到牆上的牆紙都變晒色,搬入去實熱死浩浩, 到佢番番SHIFT,早上訓覺開極冷氣都唔涼時,唔叫晒救命至奇,而且個間隔唔太實用。
作罷。
本來11點又約左美聯睇的,但都估到又係同一單位,果然,今次係JACKY隔離位的PHOEBE招呼,同佢講只係中意某些座向的,佢找找下話有個開價都貴的,開222,我地話都想睇下,望下係咪咁好的好,於是約,但約唔到。
晚上同敏、方政食緊飯,美聯經紀打來,又約到今早講那間喎,於是一起去睇。
上到去,1座37樓C單位,向西南,個景望番屯門碼頭,超靚!
裝修仲新,拍得住上次差d買左那個F單位,睇完勁中意啦!
今次兩個AGENT一起上來俾壓力我們,拉入房又傾一輪又係好野唔好走寶之類,跟住又拉業主入去傾,出來又話佢地想反價之類,但佢地幫我地鬧左佢地一輪云云。
講到如果今晚決定可以HOLD番222個價,超,一成都唔信佢地!
呢對夫妻一看便知是好的基督徒,屋企好多基督教書,佈置都係金句等等,基督徒點會咁反口丫,但又冇理由直接同佢地講價,唯有任呢兩個經紀吹。
點都要諗諗的啦,又懶要同家人商量囉,佢叫我地開個價講下,我同浩浩計左計
佢個價成33XX呎,我地覺得最多係3200呎,於是開208,當然唔會得啦。
我們都係但求走先再打算
回去我同浩浩計左很久
每個月要供幾多,仲有幾多雜費要俾,最近成交,各銀行估價等等
都覺得3300呎成交係屯門來說都係貴,呢個單位咁開價,215萬應該叫到,但都唔算平
恒生銀行估223萬,中銀估212萬,仲有間唔知乜估價行估209萬,EALIE後來幫我地CHECK話估220,都應該到價的,但呢個時候買又好似唔係好抵......但自住又好似唔係好緊要,供到咪得......唔買又驚第時買唔番........買又驚貴好多第時後悔.....但遲些又或者仲會
升....但都可能係跌.......3300係屯門係貴,不過佢又新的........同座同方向的單位好少賣出,冇乜參考價........
總之買又煩,唔買又唔捨得囉
唉
最後決定
都係訓左先算
訓醒個人會清醒D
再見步行步吧
約左敏敏同表姐明早見
敏醒起佢表姊有間樓空左
可以借出俾浩浩住
問左一輪真係得,平過租酒店好多,約左明天睇樓添
追加28/6/2009
同 ealie同阿濤飲茶,佢地都話層樓貴,而且over200萬的樓厘印會貴好多,
唔太贊成宜家買樓。
整天思前想後,最後都拒絕左個經紀先
唉
但有些唔捨得
真係好中意
但又真係冇理由係最高價的時候買樓的
算吧
唯有安慰自己
是我們的話總會是我們的
天父永遠會安排最好的給我們的
2009年6月21日 星期日
2009年6月20日 星期六
攝影資料搜尋
呢輪得閒就seach下婚禮當日的攝影資料
上網睇下攝影師的作品、係esdlife wedding度睇下攝影師 / 公司的comment等
始終呢樣野都趕趕地,同埋對我來說都幾重要,幸好又係那句,我地個日子係超淡季,唔使咁趕。
係咪都send去問下價,諗住睇下普遍係點的range先再決定,所以乜都有d,整理如下:
1) Lawrence Tsang
2P1A (1 snap + 1 standard +1 assitant) ~~ 0800-2300 ~~ $33000
2P1A (1 snap + 1 standard +1 assitant) ~~ 0800-2100 ~~ $30000
( 包 intraday photo slide show , all image with basic touch up, all stardard photo 4R printout, 11"x14" 20pgs snapphoto designed album, all image in DVD )
(加studio light +$2000, 早過 8am, @staff / hour +$200 )
http://lawrencetsang.blogspot.com/
2) Charles Cheung
2P1A (1 clief + 1 standard +1 assitant) ~~ 15 hrs ~~ $30000
1P1A (1 clief + 1 assitant) ~~ 15 hrs ~~ $23000
( Same Day Photo Slide show + $2000 , Studio Lighting Equipment for Banquet Group Photo + $4000, Same Day Group Photo 4R Printing (200pcs)+$4000, 8 x 12 Album (20 Pages)+ $2000, 4R Leather Grand Photo Album (300pcs Photo)+ $150)
(加錄影 1V , 全set DVD連menu 及 Full version and highlight version editing + $6500, 即日剪片 +$2500 )
Total 2P1V1A 要 $39000,如果影3 locations的pre wedding就 $15000,影晒全部有優惠,$54000 減至 $45000。
http://www.charlescheung.com.hk
3) Pose21
$15800 ~~ 3-4人 ~~ 包 unlimited softcopy in DVD, same day express montage, delicated online photo gallery, 60-80 pgs custom designed photo story book (100% made in USA) , print photo : $2@
$13800 ~~ 3-4人 ~~ 包 unlimited softcopy in DVD, delicated online photo gallery, print photo : $2@
( 加錄影 , 連成長片段、sameday highlights、全部母片及highlight on DVD、設計封面 + $6500 )
4) Jack Creation
2P1V ~~ 10 hrs ~~ $14888
2P2V ~~ 10 hrs ~~ $18888
(包 全部數碼檔連執相、11"x14" creation snap album1本、即日剪接、30張相電腦片頭、婚禮片段連剪接連配樂一套 + 封面 + menu)
(超時每人每小時+$200, 指定Jack +$1200, 指定攝影師 + $800, 同日註冊/ 教堂行禮+$800, 即日剪接 + $2000, 晒4R: @$2, DV母帶 $200套)
www.jackcreation.com / http://www.jackcreation.blogspot.com/
5) Patrick
2P1A (1 clief + 1 standard +1 assitant) ~~ 13hrs ~~ 0830-2330 ~~ $18000
( 包 Same Day Photo Slide show , 30pgs 8"x12" photo album, all softcopies(~1500-2000), 50 high end effect touch up images)
1V ~~ 13hrs ~~ 0830-2330 ~~ $ 5000
(包complete version、highlight version的dvd各一, 30張相成長片段)
(即日剪片 +$2000, Studio Lighting Equipment for Banquet Group Photo + $1800, 早過0830 +$800/ hr/team及的士費)
http://www.patrick-photography.com/ / http://www.patrickphotography.blogspot.com/
6) Amazing Grace
2P1V ~~ 0830-回男家 + 1730-散席 ~~ $5388 + 1500x2(菲林轉數碼) = $ 8388
(包25張相成長片段)
(註冊連外影共5小時 + $ 1588, 同日註冊 / 教堂 + $200, 註冊連外影錄影共3小時 + $ 1588)
共 2P1V ~~ $ 11764
amazinggrace.goldenplaza.com.hk/ index.html
7) Dino Leung
2P1V1A ~~ 0800 - 0000 ~~ $15800
(包studio light, 早拍晚播slideshow, 2 set finely tune photo DVD, 1 set highlight snapshot MTV DVD, 8"x12" 22pgs snapshot album, 成長片段, 錄影母帶, 2 set edited master DVD連封面及menu)
(即日錄影剪接 + $2000, 晒4R 300張 + $500 )
http://www.dinoleung.com/ / http://www.fotop.net/dino/Rate_/
8) Ray Chui
2P1V1A ~~ 0830 - 1130 ~~ $18800 ~~包 full set digital photo DVD , 20 pages 11x14 snap album or 40 pages coffee book , Intraday photo slide show , 1 set of editing DVD , Full Day Video Hightlight , marching-in slideshow clip , master DV tape , free overtime charge
2P1V1A ~~ 0830 - 1130 ~~ $15800 ~~包 full set digital photo DVD , Intraday photo slide show , 1 set of editing DVD , Full Day Video Hightlight , marching-in slideshow clip
(母帶每套 + $500 , 即日剪接 + $2000 , Intraday summary slide show - $1000 , overtime charge per hour per staff - $200 , photo print 4R - $2pcs )
9) CM Leung
冇覆最近的pricelist了
http://www.cmleung.com/wedding/ce/ce2.html
10) Irene chui
2P1A1V ~~ 0830-2330 ~~ $24800 ( 包 所有相, 800張4R printout連相簿, 全日攝錄, edited on dvd, highlight video on dvd, master dv, Same Day Photo Slide show , march in slide show, 30pgs 10"x10" coffee book( magzine style album)未問 (Studio Lighting Equipment for Banquet Group Photo + $2000, 早過0830 +$1000/ hr/team) (但版權屬the stage公司) One shot Production MING PHOTOGRAPHY http://www.mingphotography.com.hk 2P1A ~~ 0800 - 1130 ~~ $30000 ~~ Get back 2000 original digital files, Release copy: Photo DVD with box & disc design. (lighting for group photo + 4000, same day slide show + 1500) CaLvin 2P1V1A ~~ 0830 - 1130 ~~ $20000 ~~包 400張printout, 連基本執相, 42pgs 10"x10"相簿, 錄影edited dvd including summary & highlight (photo slide show + $1000 , 即日剪接 + $2000 , Lawrence Chiu 19,800.
Lui's Gallery
overtime charge per hour per staff - $200 )
- Lawrence Chiu as chief photographer
- One experienced photographer
- One photography assistant
- Unlimited photo taken
- 11"x13"book style album
- All digital images in high resolution burnt into DVD rom
- One video experienced photographer
- Video editing with DVD dics
- Photo montage video production
- DV master burnt into DVD rom
2009年6月13日 星期六
奇妙的巧合
在找東西時無意中去左一個很久之前建立來放相的網頁。
佢係一個婚網,諗住既然都定左日子,順便更新番個結婚日子,點知.........當年隨手填上的結婚日子,竟然真係2010年7月31日!
我肯定我近期都沒有去過呢個網,也沒有任何與這個婚網有關的聯繫,我原來想找的日子當然也是9月至2月左右等冬天日子,但........原來世事真的很奇妙的,兜兜轉轉原來一切似乎已有定數,連我呢個生神仙都錯失了。
有時見證住呢d咁奇妙的事時,真的不能不感嘆人的無力。
但也驚訝主創造安排的美妙,世事之所以美妙正因為其不可測卻又隱隱有一猜不透的定理在吧。
http://wedding.darizi.com/hk/blog/hoholingling/
2009年6月12日 星期五
銅鑼灣利舞台彩福皇宴
回家話俾爸媽知我地訂左酒席,日期同地點咁
爸爸竟然話點解揀夏天呀,可能會熱呀,打風呀咁乜佢怕熱的嗎? 我從來唔知囉
,跟住解釋完一輪後,佢問我地點解唔選早D,原來佢好可能係嫌遲。
佢都唔明而家要結婚係要幾多時間準備的!
上網俾左D相佢地睇,又約左下星期父親節去飲茶,佢好似覺得好少少,我都想去看多次,不竟都真係未食過。
睇住相先,相就好靚,越睇越中意添。
賣樓
早前不斷有人來看樓
讚口不絕
我都知
不竟我們真的放了很多心思下去
或許如此
好快層樓便賣左了
唉
好唔捨得
呢度有太多的回憶了
但浩浩話住左咁多年都覺得應該係高價的了
係時候賣左先
至於想買的屋苑曾放盤不多也未找到合心水的
唯有繼續努力睇下先
幸好個買家都係諗住買黎放租
也同意話係我們未找到新屋前租番俾我們住住先
都叫安左個心吧
放盤俾人睇樓 + 好快賣左
俾人上來睇樓
12點有人來
呢2個阿太都幾有趣
「都幾開揚光猛喎」「7年都算新淨」之類......都好正常的
但跟住便問d令我呆左的問題
「呢度原來就係呢度!我係度搭過車.....」鬼有人想知你係邊搭過車咩!
「你地的結婚相係邊處影架?」..........台灣......「都估到的喇,唔似香港的。」
「你個裝修屋企人幫你地做,可唔可以介紹俾我?」
「你係邊間大學畢業架?我見你有畢業相!」.......教育學院......「我個仔都有畢業相」.....我都有.......幼稚園已經有..........
「咦,你地可以拿宿舍喎,做咩唔住宿舍呢?」關你叉事
「我中意呢隻貓多d,灰色好靚!長毛我唔中意!」使鬼你中意咩!
「呢套公仔我都有呀!」
「乜原來呢d通可以放咁重的野架?」
「呢個乜黎架?」....晾衫的......「我仲以為係蚊帳添...」
一個係房叫另一個:「喂!你做咩唔入來睇呀?」另一個大大聲若無其事地答:「我睇緊相呀!」
都唔知佢地查家宅睇相定睇樓的
都ok的
又係想買來放租囉
我都想
唉....
下午去睇醫生
點知番緊屋企時,浩浩打來話有人會上來再番睇樓,好可能會賣的了,吓,真係賣,點算,冇晒心機。
到佢回來時,佢打來話會帶埋個人來簽約的了,忍唔住哭起上來。
不久佢真係帶住班人上來,2個經紀3個中年女人,一個買家英國回來的,2個陪的親戚,佢不停咁讚間屋我就越唔捨得,正常咁同佢地傾計講下間屋的野咁,有種人死左係喪禮上大家講番佢生前事情的感覺,跟住經紀又好似抄家咁數我地有乜會留俾佢地,心好痛喎。
忍唔住同講我好唔捨得,佢地竟然勸我更好的在前面,唉,點解會變成咁的情況的?
由現在開始我要努力儲錢,我要買番呢間屋!
晚飯回家吃金枕頭,安慰番自己。
晚飯後同浩浩行去翠寧那邊睇有冇中原地產,找多間地產睇會唔會多d盤,不竟層樓賣左,8月尾便要交樓,到
時便冇家可歸的了,雖然佢地話都應該可以租番俾我地住住先,但始終都係要找的,無家可歸了,呢幾年太多的野都係呢處發生,點捨得放手,不懂說再見的人實在
係....唔識講了,幸好浩浩話佢都唔捨得,但有佢同我一起嘛,清清,我地要搬家了,佢要離開佢出生的地方仲唔捨得啦。
下次同個下任業主講如果賣記得通知我,但浩浩話佢應該只係諗住放租,唔會賣的了,講下都好丫。
好快佢地便無家可歸的了!
2009年6月7日 星期日
來睇樓+去睇樓──海典軒(3)
早上先去海典睇樓,2座32樓G
同尋晚一樣係望河景同遠山景,但偏左一座......最重要
係珠玉在前.......夠膽開個價咁高添........195......唉........完全唔想講價添
啦.........195.........昨晚186我們都唔買.........咪玩啦
乜心機都冇..........走.........又俾美聯個jacky截住左.........入去吹兩咀..........又係做乜尋晚唔買呀,結果186.8成交.........就係差少少咋.........洗你講.........
同浩浩傾番昨晚呢件事,我地都覺得真係可惜.........其實如果俾我地諗多晚,我地應該買左的了,但現在只可嘆人地快左囉.........雖然個
巿應該真係會再跌少少添,而家冇壞的..........只係真係都幾中意而又係我們budget內,所以唔開心...........浩浩話佢唔中意果條友用d咁的手法造到個勢好趕好逼,然後逼各人快打快成交.........我都覺得咁的情況下寧願錯失都唔好失左冷靜買完後悔囉
算吧.......慢慢來囉........唔趕的
回巿中心,有人來睇樓............本來又話趕唔到唔來的,點知佢地又約到另外2批人.......係咪真係咁hit呀........
睇完20分鐘左右即走
乘車出灣仔,整理一下呢個星期睇樓結果
共10間 (包埋晚上睇呢間)
1座 --- 4間..........但來來去去得2個方向
2座 --- 6間..........8個方向都睇左5個方向
我們暫時都比較中意第1座
再看看吧
BOOK完酒席,乘961回屯門,係海典落車又睇樓!
美聯又來,又同時約幾伙睇樓,相同的招數到底用得幾多次呢?
呢個單位係1座35樓F室,側側地望到少少海,同遠樓景,但望到另一座海典軒,裝修都唔錯,廳同房都有地台,但既然昨天都冇買,呢個唔係心水都唔想買住囉
但呢個單位證明左原來我中意地台加高連窗台變床都唔會好逼,就咁決定啦,第時我都咁整
回來又有幾堆人來睇樓, 呢幾日讚賞聲不絕, 好搞笑的!
「咦,你地間屋好新喎,剛裝修?」「都7年了」全部人呆左...我係咪唔應該咁直接呢
「好乾淨喎,係咪因為養貓呢?」唔係.....係因為你黎呀.....
「咦,打排球架,可能係我師兄喎!」呢位阿姐快40,浩浩...師兄?
同埋最多人睇的係
1) 阿清
2) 我幅相牆.....不停睇,仲睇埋浩浩UI添
有個阿姐帶埋尺來度位,又話放唔到佢部洗衣機,又話可以放呢邊,講到好似買硬咁,但如果真係買樓,唔係因為個位放到雪櫃洗衣機便決定買唔買吧?!
唉,D人走晒的時候,有些失落,浩浩話睇得出我唔捨得喎,咁的情況,係人都估到好快賣得出啦,衰人,又唔開高D,等冇人買到仲好嘛。
2009年6月6日 星期六
訂酒席
最後一天終於就到大家都得閒,都好的,婚紗展最後一天通常多D優惠的。
話說早上睇完樓後,浩浩12點幾係會展隔離的體育館有比賽,練習加比賽都玩到2點幾,佢仲講下MC6時的事比我知,又幾難忘同有趣的,我會咁講因為我唔係現場囉,但要訓街冇屋企番仲成日食蕉的佢應該唔同意我呢個形容囉。
跟住過去展場
同幾年前我們去過的一次一樣,人山人海囉,什麼金融海嘯、經濟不境等都不適用。
本來諗住慢慢行一轉拿下宣傳,然後先去訂酒席的,但實在太多人,於是索勝直接找彩福的BOOTH去。對,睇左咁多間酒樓後,無論價錢、地點、場地等都係佢比較合心水,又上網睇左D人可以有D咩優惠咁,我地又去睇下可以爭取到乜優惠。
去到有個姐姐介紹我地坐,問我地心水係邊個場地同日子,我地話利舞台,但日子就未定,佢拿本簿俾我們看,10年9月至12月的六日都全滿,除左重陽節外,仲有網友原先話讓俾我的重陽節翌日星期日,雖然我們都冇乜所謂,但重陽節又未免太過份了吧,無謂俾長輩話丫,同埋星期六會比較好D,夜左第二天都可以唔使番工住。
我其實想遲多少少,11年會多些時間慢慢準備,但佢11年的菜單要再加多每圍400,我又覺得唔抵,明明食一樣的野做咩要俾佢食喎!
跟住諗不如就學校假期,我又唔使請假,浩浩話佢都唔怕熱,咁都好,一係聖誕一係暑假。但想到要就教會行禮,都係要星期六日假期人地先得閒來的,最後見有12月24日平安夜( 紅日,但唔係星期六日)或者7月8月暑假。
一來擔心平安夜人地唔得閒來飲,二來擔心咁的大日子教會有活動找不到禮堂,於是都係決定暑假。而暑假普遍由7月中開始,7月放2個星期,8月放1星期左右,又想預些時間俾我們自己放假預備下先,之後又可能可以去一去旅行咁,於是選左7月最後一個星期六,7月31日,就咁決定左。
其實那天係個朋友莊靜茹的生日,但冇法,如果早一個星期同遲一個星期都可能太趕,於是就咁決定!
其實諗日子的同一時間,我地都發揮我們講價的能力,其實都唔係點講的,我覺得都合理的等價交換而已,例如有些我們唔需要佢送的,咪同佢換另一些我們想要優惠咁,無法啦,呢筆數實在係最大的數,佢的上落係最大的開支囉,一圍差少少咁多圍係差好多的了。
起初個姐姐仔不停要將我們的要求轉達再回覆,回來答的佢自己都有些唔好意思講,跟住我們話不如找個話得事的來講吧,換左個都幾快人快語的小姐,都好的,總之因為呢個淡季的日子我們爭取到唔少的優惠,都算滿意而回。
呢個場暫時有我想要的靚靚場地,也有浩浩想要的好味菜式 ( 有可口可樂的 )。
我同浩浩的大日子!
2010年7月31日
銅鑼灣彩福皇宴
仲有唔夠一年咋,好快添!
不過因為佢有個什麼加1蚊升級菜式的優惠,用一次呢個優惠便要即場買一打壽包,而我們因為爭取到2款佢做的呢個優惠都加,所以合共要買2打壽包!
2打=24個壽包!
望住24個壽包,竟直係超幸福啦!
離開呢個展檔時,竟然撞到雪怡同ALAN,呵,世界真細小!
佢早我地一個月咋,又係彩福,不過係始創那間,真好,到時可以有商有量!
彩福送左都幾多COUPON,當然有些係唔會用的,但有兩個真係幾抵,一個COUPLE公司自己造的城堡動畫,用自己的相製的,都幾有趣!尤其我們影左相,整左先無妨。
另一個係張專業製作的易拉架,都好呀!
浩浩唔舒服,我們都冇乜點行添,去左AMAZING GRACE睇GRACE的相,係咪真係咁好,UM....我又覺得一般姐,算罷。
仲有張法國婚紗的COUPON,心思思想影多輯架,但上網再看看先,反正不久後又有婚紗展的了。
回去又睇樓,晚上我地去左樓下的「好日子」食飯,對!今日應該係我們的好日子!
諗起都開心!
睇樓──海典軒(2)之「差d做左業主」
間屋的景同裝修都好合心水,比預期貴左少少,但都係預計之內,最後都放棄左追價,結果俾人買左,
唉!
我們都在失落當中。
**********************************
話說晚上去海典軒睇樓,個單位好多人看,唔憂賣。
個sales勁想我們買,叫我們帶埋支票去又安排我們第一對去咁,但都係同另一pair人一起同業主上去,1座32樓G單位,617呎,露台同2房都係向西北,係上次去到剛好賣左那個的樓下,上次賣183萬,
今次話開190,但個sales話傾好185左右.....
上到去裝修真係好合心水,房又有我中意的地台,其他都keep得好新淨,真係灰水都唔洗油便住得,尤其窗同露台係開揚景,又唔係向西直曬,真係好中意
我同浩浩站在露台商量,如果185便買吧,就算唔係底買,但自住都冇蝕
點知個sales回來話另一pair人又好中意,仲出緊價咁,叫我們都出少少誠意,幾千都好,但我們覺得再加多d又好似唔多值,打俾阿濤問下佢點睇,佢話
唔好急,樓巿應該會跌,咁我都覺得係,但真係遇到個心水單位嘛......但買件衫都要逼自己回去諗下係咪真係好中意先買啦,何況買層樓....點係幾分
鐘決定喎,唔想後悔.....於是我們冇再加價去競投.......個sales好失望,失望到冇送我們下去,也冇叫我們簽睇樓紙....
一出去門口已經有多幾團人等睇,係抵佢唔減價賣的,換轉係我都係咁啦
跟住去另一間,明顯佢又係帶我們去睇呢個單位,話俾佢知唔使了,跟住佢便同我們去看2座頂層高樓底的一單位,係高d好用d,景也不錯,望碼頭同河景,好開揚,但向西,早上應該幾曬囉,同埋195萬,如果呢個價ok,買左剛剛那個啦....
那個合心水好多............
走的時候,見到剛剛那個單位的業主同同我地一起睇的人坐係美聯了,即係成功簽了,唉!
跟住都冇晒心機了,我們回去都真的不禁心有戚戚然........
明明差少少做左業主的了.....但就咁冇左
當然安慰自己.....咁多次都買唔到......或者真係唔係咁合適,或更好的在前面..........但.......都係唔開心囉!
後來睇番賣左186.8萬,差1萬8咋!唉!
下面就係個景,個泳池好似會發光咁,好靚
早上係咁的,幾靚!
放盤
係再次,之前放過,但唔到價冇賣到,封盤。
今次諗住真係會買海典的了,但基於計過度過,海典太貴,唔能夠買多一間的情況下,只好就咁換樓。
浩浩係4/6/09那天去放,即時有2個客上來看,我唔係度。
今日星期六我放半畫,回來執番好個廚房,
好整齊,
跟住下一個目標係房的衫。
一路執屋一路好多人上來睇樓。
放左3日,已經睇左2次。
跟住今日星期六,睇左5次!
看來好快賣得出。
其實我唔捨得的,但冇法。
浩浩都講得o岩的,呢處咁多年升升跌跌都唔大,都係90幾至110左右,宜家個巿好,我地放120,賣得出應該冇蝕的,雖則遲些西鐵上蓋開賣應該會再升,但因為巿道唔好而延遲開售,最快都係2013的事,4年後乜世界都冇人知,賺左再算。
2009年6月1日 星期一
計圍數
那天同藹華sharon食飯,講起book酒席,都覺得係應該先有大概圍數的預算先好選邊間擺的,於是的起心肝數下有幾多人係想請同要請的。
其實我都只係數到我自己的舊同學、舊同事咁,而家的同事反而唔知點算,因為有好多鬼,咁請佢又驚佢地悶,但英文老師都有中國人的喎,咁又請唔請呢?老細又請唔請呢?姐姐又請唔請呢?諗起都煩。
跟住我的親戚冇乜,但大概估到爸媽應該會請的好朋友咁,寫寫下寫唔到,看來都係要問佢地先得。
仲有浩浩那邊,媽媽親戚那邊都估到下,但爸爸淨係知有姑媽一家,其餘的看來要問姑媽先知,仲有些浩浩爸爸的好朋友因為佢唔係度應該會減左好多,但好熟的街坊呢?都唔請唔係咁好咁喎.....咁每年新年仲會一起聚餐的師父師母應該唔可以唔請吧,但那兒又有幾圍的喎,不過浩浩估佢地未必會黎齊,預少少囉。
跟住問爸媽到底我地家有幾多人要請的呢?
佢地不斷話冇,我們冇乜親戚,得舅父同姨丈,我問要確定人數去訂酒席,數出來啦,跟住佢地數我MARK,佢地唔記得我又提下要唔要請呢D咁,結果數到9席出來!佢地都嚇左一跳,不竟爸爸已經決定唔請好多朋友的了,原因仲搞笑,因為同浩浩職業相沖喎,哦....呆左囉。其實係因為有3圍係預教會朋友,但教會朋友到底來唔來的呢?
於是現在大概預算如下:
女家親戚:9圍
男家親戚:5圍
鈴朋友同事:5圍
浩同事朋友:5圍
3C:2圍
咁即大概26圍左右,但可能會少,咁找場地時大概要找20以上的場吧,都好,至少心裏有個數。