神仙家: 3月 2011

2011年3月28日星期一

太陽能燈

有冇發現到我個露台仔多左D乜？

就係左右各一個的護法！

近D睇下！

係咪好可愛呢？！

係松鼠仔磨菇，同埋飄蟲太陽花！
我見到忍唔住帶佢地番屋企！其實仲有綠色荷葉青蛙的，但我唔中意！

佢查實係兩盞太陽能燈，早上會吸收光，到晚上便會自動發光，好神奇！

其實原理只係太陽能充電粒叉電，用光暗去開關個LED燈泡，當暗時便會亮燈。

專FOR花園用，聲稱LED燈泡可用10年，充電池可用1-2年喎。唔知真假，但$98一試無妨丫！

地下冇泥地插，諗住用索帶縛係欄上，但擔心佢唔夠穩陣，於是我做左人生第一次的鑽孔嘗試！哈！平時睇好似好容易，但原來都要D時間同技巧！

覺得自己好勁！

縛左上去！好實淨，大力扯都唔甩！

啦啦啦啦，終於等到佢地亮燈時幫佢地影番張靚相！

用左腳架同新買都未用過的快門搖控制呢！估唔到星未到時候影，便因為呢對玩具開齋！哈！

其實唔係好光，不過都係情調野，冇所謂，反正要光會開露台燈。
反而我想佢有開關多D，雖然太陽能，但長開好似好浪費咁，邏輯有少少混亂添！

關晒屋企入面的燈時會咁。

嘻！談心最好！

2011年3月27日星期日

露台植物重置工程

早前種蔥的花盆因為底冇孔，去唔到水，最近天氣潮濕有小飛飛呀！
另外幾棵香草，薄荷同芫茜、迷迭香都大左好多，要轉盆了，決心放假進行「大起底」及「原區重置」！

就係呢個盆，好睇唔好使！

咁橋昨天浩浩去花墟比賽，順便逛逛，買左個花盆，都係鍾情白色多些，本來仲想買些植物添，但都係做完重置再算，驚冇咁多位俾佢地生長呢！

下午回去開壇，足足搞左幾粒鐘！ ( 當然仲有第二樣大野搞，哈，另詳文 )

最後丟左D蔥同蒜，移植左薄荷同迷迭香去大少少的白色盆仔，香芧同芫茜去新買的長型盆。等佢地多D空間生長。

暫時咁先，下次買菜時買番棵蔥同蒜再種過先。遲些一次過再影相，因為宜家都未係好滿意個SETTING！

順便又買左少少得意野！留意得到嗎？嘻！

呢個又係一直想整但未整過的野食！

最近好似整多左野食，好開心！
我其實真係好中意整野食的，能夠做自己喜歡的事係最開心的事！不過我個人太貪心、太多心，想做的野太多，時間精力卻太少，所以仲有好多野未做到呢！

言歸正傳，講番個飯。
參考新買的rachel yau「摯愛」內的食譜自己mix出來的。

材料：
意大利米250g、清雞湯500ml、蒜蓉、白酒60ml
蕃茄醬：蕃茄4個、洋蔥大半個( 用剩左而已，份量隨意 )、羅勒葉8片( 自家種的 )
青口、蜆肉、帶子、邪惡腸2條、芝士少許 ( 份量都係隨意配搭 )

做法：
1) 磨蒜蓉，幾橄欖油起鍋，炒香

2) 加蒜蓉、羅勒葉、洋蔥，炒香

3) 加蕃茄，蓋蓋煮20分鐘

4) 幾黑椒、鹽、糖調味

5) 成鮮蕃茄汁。

6) 橄欖油起鍋，炒蒜蓉，把海鮮略炒，至八成熟
7) 橄欖油再炒蒜蓉，下意大利米略炒，加白酒同炒，至酒被吸收
8) 清湯分5次下，略炒，蓋蓋，至米被吸收，才再繼續

9) 炒熟吸收晒湯約半小時，如湯加晒都未熟，可加水。

10) 飯熟，將海鮮、蕃茄汁等回鍋同煮。可下少許芝士調味。

11) 完成！( 青口肉放番入殼裝飾用 )

登登！花時間同心機的晚餐！不過浩浩話好味！主要係個蕃茄汁好清新。

同場加映：圓肉杞子燉響螺豬展

燉左幾次，好熟手了！好清甜！

不過有時諗，其實入面個煲係LC會存氣D，但外面個煲係咪LC似乎幫助唔大吧，不過個SIZE、深度剛剛好囉。

所以我都應會繼續用煲中煲燉野的了。

2011年3月23日星期三

同心

兩隻貓貓終於俾姐姐找到有最同心的一刻！

就係食罐頭的一刻！你睇，幾乖！

嘻，有聲音？！

望都一齊！真好！

2011年3月20日星期日

薑汁蜜糖梳乎厘@ LC Lavendar Mini Round Cocotte

梳乎厘係除左心太軟外，最易叫人嘩嘩聲而又唔難的甜品。

本來用家中用開的梳乎厘杯，但裝完後仲淨番少少，諗起呢對新歡，點知呢個食譜原來剛剛好可以整兩杯 LC Mini Round Cocotte，超正！

用左買N左年的《精巧甜品DIY》內的食譜，睇番原來係04年買的！書呢家野真係好抵買的。
( 另附早兩日係PAGE ONE買的幾本RACHEL YAU的食書，入面的食物都好吸引的。)

材料：( 可做2個LC mini Cocotte的份量 )

鮮奶 6 湯匙 ( ~90ml )、鮮忌廉 2 湯匙、蛋白3隻、蜜糖 1 湯匙、糖 1 湯匙、麵粉 1 湯匙、粟粉 1/ 2 湯匙、薑汁 2 茶匙、牛油少許 ( 塗杯用 )、雲呢拿香油數滴( 我冇落 )
(見唔見左面2隻杯，本來諗住用番佢地的。)

做法：
1) 榨薑汁備用 ( 用左呢個超好用榨汁器，薑汁/蓉/蒜蓉都好easy )