LC開倉──靜雞雞

其實開倉除左頭一日同最尾一日去之外，其實有一日我都忍唔住靜雞雞唔知點解咁去左囉！

話說因為第一日放工先去到，唔使逼，買左少少野，可睇番呢度。

去過的人都應該知道，係層架後面其實有好多貨分日放出來，好處是唔會一次俾人掃晒，日日都仲有機會買到野，但唔好處就係有些真係得個睇住買唔到囉！

我之所以會忍唔住去多次就係因為係第一日，俾我同朋友仔「裝」到後面有我好想要的野！

1) 米色鐵煲墊！

2) 紫色鐵煲！( 估唔到有！因為係連卡佛的限定色！又冇PROMOTE，唔係睇到都唔信有！)

有問過STAFF後面的貨會點出，佢地話唔知，總之會番貨.....唉！

回去個心不停記掛住佢地，於是靜雞雞又去左。

可惜，都係找不到我要的野，我只拿到個橙色同黃色煲墊，不過黃色的噴色好似好少，唔靚放番底。

其實我見到有幾個日本太太拿左好多唔同的煲墊，其中包括米色！佢地拿左好多貨先慢慢選，我企係佢地旁等左好耐，但放極都冇呢個米色墊，到最後我好唔怕羞咁問可否同佢換，當然唔得，噢！幾失望呢！

諗左好耐，都買左橙色先，其實佢都靚，只係唔係我的最愛姐。唔通我要番大陸買貴貨？唉，再諗諗吧。

當然都冇遇到另一個最愛──CASSIS煲！我昨天都係見到一個係車仔，唔知邊位咁好彩找到呢？

見到昨天冇的CARIBEANN 方盤，拼埋CASSIS果個真係好靚，但兩個咁大的盤對我來說好似太多了，結果買左個21CM的細盤，不過好可惜唔可是同時放兩個入焗爐，所以只買一個。

唉！好想再去添！