唉，最近發生左好多野，個腦就黎塞到爆，而結果尋晚因為一件事真係爆左！
離家出走左一晚！
靜下來後走去開倉掃貨！ ( LC今次開倉最後一日！)
對唔住各位想睇收獲的朋友，很累很累，等我訓醒再update，有心人請再次光臨。
感謝主叫今天天氣晴朗，我實在需要外在的鼓舞勁DOWN的心情！
感謝主叫我去開倉都遇到可以談話的好心人，竟然仲提起主你的奇妙，我真的需要你的提醒！
或許我的人生，甚至世界都在不停變化，只願我能記住你時刻與我同在！
************************************
13/3/2011 17:55
午睡醒來仲係陽光普照，成個人好好多！
襯新鮮滾熱辣，快D打埋個BLOG先！
其實今日去只係得一樣野想買，就係米色鐵煲墊！朝思暮想左很久，因為香港冇，大陸買要成8xx，又唔多值咁。
開倉次次都有，2xx左右，但好快會俾人搶晒，姐姐話放幾多都通常唔過10分鐘，上次CWB我算早到，有幸見到有個幾層的添，不過果時未中意LC，冇諗過要買，宜家想要先知難得！
嘻！睇到呢張相，應該估到我找到了！係！開心到爆！
話說晨早去左排隊，早到人地架電梯都未開！
哈！上唔到去會場！好彩我見其實都有人同我一樣，係附近行來行去遊遊下。不過相比人地拖晒行李箱，覺得自己好冇準備！不過一早決定唔買煲，咁又真係冇需要的！
10點電梯終於開，上到去我係第二個！以為前面D一定會係日本太太，點知第一名的朋友仔係香港人，佢連NOTEBOOK都帶埋黎，好叻！我地仲傾起上來添，估唔到好O岩傾，由LC到cooking class、香港到日本、連宗教都傾埋，好開心遇到Do岩傾的人呢！
跟住好快後面排隊的多數都係日本太太了。
入到去梗係直衝目標！但橙色、藍色、黑色、黃色全部都有，但偏偏冇米色！吓！點會咁架！
D STAFF好好人，問有咩找唔到可以出聲喎，指路明燈？即刻問有冇米色，佢話係另一邊，即撲去找！幾驚俾人搶晒...因為剛剛見到其他色都好多人拿，又記起早幾日拿個橙色同個日本太太換，佢死都唔肯
，後來放底個橙色都唔放米色！D日本人好中意米色，點算！？好彩！去到見到佢坐係最上層的架上，即取！
仲要拿晒兩個！
開心到傻左！
( 呢D好似好長，但其實全部係1分鐘內發生，可見入去的人幾咁瘋狂，包括我！ )
今次開倉劃左美滿句號！
唉，點會咁簡單丫.......
拿完第一最愛，仲要打孖上，跟手見到隔離有個橙色長形的，拿埋！
番黎放埋一齊影張相，覺得自己好癲！不過平平地送禮自用都好丫！
同埋個SHAPE真係好靚！
跟住抱住呢3個佳人，再周圍睇，因為唔買煲，所以係STONEWARE附近看有冇新野，見到有1個cassis oval 仔小小的、孤令令坐係一埋淺紫中間，唔通我同佢咁有緣？雖然我想要一對的，但一個都好啦！掃埋。
跟住就真係慢慢行，慢慢睇，第一日同2個朋友仔已經睇左好多，但回去見blog友仔的收獲同介紹，又好似好多正野咁，又諗下 ( 所以唔記得邊個blog友仔話blog唔可以亂睇，真係至理明言！)。
好想買個白色buffet，30cm，好靚，白色我的至愛！但用途好似唔係好多，除左一品鍋同當鑊用，1380好似好貴，我又有鑊......
跟住見到白色16cm，又好中意，摸左好耐，始終覺得佢太細，同家中的18太近，如果有14cm應該即掃，blog友仔話一人一煲好正，但今日一個14都冇.........
又
想買個平底鑊....上次見到30cm太大，20又好似太細，但見blog友仔買左20又好似細細過都幾好丫，米色襯番家中個grill
pan喎，摸下摸下俾我見到唯一一個23cm！咁prefect？可以好似上次cooking
class個miss煎超好味薯仔喎，煎蛋煎年糕都得.....正想扑鎚時見到唯一一個藍色冇柄的oval平底，冇米色呢個咁深，但大d喎，咪fit晒我
一直想試的鐵板燒？仲要平d添！( 米色有柄23cm平底，$540；呢個31cm藍色冇柄 $380！)
拿住蹲在架前諗左2分鐘，最後決定！
帶佢回家！平D、大D、用途多D、又唔會同家中的太近似！( 幾多藉口俾佢入門 )
其實仲諗過個米色長方形有紋的冇柄grill pan，不過$700，都係鐵板燒的話，有冇紋應該差唔多，而且我已經有個有柄grill pan，太似了！
唉！好！唔敢再行，再行便大件事，俾錢回家！( 但其實都行左成粒鐘！ )
都搞成咁！其實有O急 / 車都係好的！
其實中間仲發生左件窩心事，剛剛同我一齊排隊的女仔佢知我想要鐵煲墊，佢見到都幫我拿左個，雖然最後我都有，但都好感激佢呢！但我只係俾左我個blog佢，唔記得問番佢，希望第時可以聯絡番做blog友仔啦！
****************************************************
番到黎，加埋昨天，玩左成日，很累，浸左個泡泡浴，由頭洗到尾，煮左個餃子食，略略執左陣屋，見好好太陽，洗衫洗床單晾衫，搞完一輪，成個人先平復番！
拿戰利品出來影相時，唔小心把它連盒跌了落地，呀！心都痛埋，打開！果然....爛左！唉，我同佢都係冇緣的了，影張靚相留念吧！
係你的始終係你的，否則強求都冇用。
次次同浩浩鬧場大交後都打瀉野 / 打爛野的，唉！都好的，人都醒晒！
其實今次都唔係買左好多姐
，遲些先POST全部野吧！
等你瞓醒 post d 令野大家睇
回覆刪除[版主回覆03/13/2011 19:27:00]thx
朋友仔，永遠支持你呀，得閒出黎食飯吐心聲啦～
回覆刪除[版主回覆03/13/2011 19:27:00]要啦！
好好休息。
回覆刪除[版主回覆03/13/2011 20:08:00]休息完好好多了！THX
我唔係唔信你呀，係太可憐，唔想呢個係事實呀，俾著我，我可能會哭出來嫁
回覆刪除[版主回覆03/13/2011 22:34:00]講笑咋，唔使太介意。 鬼叫你係BLOG度放聲氣話有意放咩，個個唔眼甘甘 咁留意住先奇！不過CASSIS真係好靚的！
唔好唔開心啦...有時心情唔好係黑D, 打爛左真係幾可惜..個OVAL 墊我前年開倉都買左..果時有很多KA...個OVAL PAN我都買左, 都係一樣 CARRIBEAM, 真係很令, 很抵..
回覆刪除[版主回覆03/13/2011 22:57:00]係呀，你早我好多已經識用呢隻牌子，果陣時我聽朋友話買個煲千幾2千蚊仲覺得點會咁貴架，估唔到而家自己都中意左。
嘩，原來有米色，好令令呀!！！！！ 個米色煲都超令! 真係好慘呀，跌爛左個mini，我都鄧你心痛
回覆刪除[版主回覆03/13/2011 22:59:00]係呀，其實我好中意白色、米色，初初有諗過買晒全部都係白色，但睇睇下其他色都好靚，多D色好似開心D。 但都係唔覺唔覺都會中左去D白色米色度。(尤其開倉特多呢D色) 唉....唔好提個MINI了...
嘩，好羨慕丫
回覆刪除我星期五晚趕到去9點鐘，已收舖了
[版主回覆03/13/2011 22:59:00]噢，好可惜呀！ 不過唔緊要，下次再去，半年一次，其實都好密。
Trivet 嘅數量好少架, 我第一日只係揾到一個, 你真係 lucky 呀!
回覆刪除[版主回覆03/13/2011 23:15:00]係呀！不枉我專登為佢而去！ 我ADD左你做BLOG友仔，多D交流下先！大家都中意LC！
trivet 我都好想買 but 見唔到呀!!!!!!!!!!!!!!!!!!!!!!! 今日又找唔到藉口再去 (but 我不是一早去我估都唔會見到)
回覆刪除而結果尋晚因為一件事真係爆左！離家出走左一晚！=> 希望你的問題而家已經解決好，明天又是美好一天呀!!!!!!!!!!!!!!!
[版主回覆03/13/2011 23:16:00]明天又是美好一天<---謝謝你！好好多了！
不晓得你什么事。不过，任何不开心的事都会过去的。今天你那么厉害找到那么多的宝，相信心情应该会好多。加油！
回覆刪除[版主回覆03/14/2011 09:21:00]謝謝！ 好好多了！ 不過買到心頭好真係好開心！
米色真係好令令...好少見呢...
回覆刪除[版主回覆03/14/2011 09:44:00]個 trivet 先係咁，其他米色煲、鑊通常都係淨晒係度冇乜人要的。
買到心頭好真係開心～所以。。。將所有不快忘記佢吧，發洩晒係整好野食度啦～～ 橙色都好靚喎其實，兩隻色都讚！ 如果我都有去就弊喇，破產都似
回覆刪除[版主回覆03/14/2011 09:45:00]
哈！下次約埋你去先得。
同埋你有冇睇過fb條link？
好痛呀 ~ 咁辛苦再遇上一個 Cassis,
回覆刪除就咁爛左
[版主回覆03/14/2011 09:47:00]係喎，可能得佢一個.....覺得唔開心..... 都係一雙一對開心d。
你都買左唔少！仲有！勁！
回覆刪除唔知你為咩唔開心！但父神必會看顧你！已為你代禱！
[版主回覆03/14/2011 09:48:00]謝謝你sunnyma！
希望你快快開心番~~
回覆刪除白色煲墊真係幾令令丫, 睇得你既照片多, 有少少鐘意左白色tim~~
[版主回覆03/14/2011 11:05:00]thx 仙女！ 白色真係幾靚架，我都係睇相睇得多，越黎越覺得靚！
神仙, 好厲害啊, 竟然搶購到白色trivet, 真替你高興. 不過, 橙色都幾靚, 尤其是係白色隔離. SHOPPING 到咁多正嘢, 快啲開心返晒啦.
回覆刪除見到 Cassis oval 仔 受傷, 真係令人心痛啊!! 唔緊要, 下次開倉, 再掃過!!
[版主回覆03/14/2011 11:28:00]thx~~你都快d影相post你的戰利品啦！我都未見過呢！
我都打算遲d買番個, 不過等我得閒d先, 否則買左都係放係度。
回覆刪除[版主回覆03/14/2011 15:44:00]好呀，慢慢考慮，諗定要咩款差唔多，嘻！
真係好靚好好用的！
神仙，你的taste 好好，個白色/米色 tarvet 好靚，好高貴 我都係第一次見到香港有咋。
回覆刪除[版主回覆03/14/2011 15:54:00]Feon你咁講會乙水到我好開心的喎！ 其實我諗都應該唔少人有，不過未必有係YAHOO BLOG姐。 或者D日本太太買晒！我真係見過佢地好瘋狂的。
可吾可以 "痴" 番啊???!!! 可憐啊~~~
回覆刪除[版主回覆03/14/2011 16:30:00]我都有試過拼埋，因為個蓋冇事，丟左又好似好浪費，但應該唔得，因為有些太碎了！ 另外，我ADD左你做BLOG友仔， 多D交流下先得。
Aiya...我比較好彩！我都唔小心，將果 Lavender Mini 由餐跌左落地，仲係個耳仔落地，諗住死硬，點知，check 勻晒，絲毫無損！可能木地板，妳係乜野地板呀？
回覆刪除[版主回覆03/14/2011 16:43:00]你好好彩呀！可能好似你咁講，係地板的問題，我係磚地！
米色真係好美，好彩我都有一个。。。
回覆刪除[版主回覆03/14/2011 16:44:00]嘻！同好喎！
Hello, 我係Kennis, 就係排喺你前面的女仔,見到你的小盅爛咗,真替你心痛.但見你收獲都不少,下次再買番啦 受你及日本太太團的影响,我都買咗三個 Trivet.本來諗住幫你攞的白色,後來同人換換吓,變咗紅、黑及白. 本來我見到個日本粉藍色的煲,千辛萬苦揀咗個靚仔既,點知後來職員唔小心換咗個唔靚,到我發現時己經太遲喇!好彩佢地都肯退錢.但你知啦,我真係好鍾意啲日本色,唯有寄望下次啦!
回覆刪除[版主回覆03/14/2011 21:46:00]係度遇番你真係好的姐！
但聽到你個粉藍最後買唔到真係好可惜呀，不過好彩佢地肯退錢，希望你遲些買得番個真係中意的啦！
我ADD左你做BLOG友仔添！
你真係利害，搶到咁多好嘢！我都好想要呀！
回覆刪除[版主回覆03/14/2011 21:47:00]其實都只係不過買左煲墊同個平底PAN姐....冇好多...
你想要乜呢？
我舊年買左呢個可以放 candle，想問今次妳見唔見到呀？
回覆刪除[版主回覆03/15/2011 09:56:00]冇喇，我之前都想找呢款的架！ Staff話因為停左產了，所以好多外國都冇得訂了！ 你買左好好彩呢！
我都有個米色oval 煲, 清清地好靚。好彩你唔係跌左cast iron 如果唔係就身心都傷啦...
回覆刪除[版主回覆03/16/2011 08:47:00]係呀，如果係鐵，真係喊出來！ 我去你blog見到，我覺得米色雖然冇其他色咁繽紛，但好有氣質。同埋你的stoneware都好靚！
唔好唔開心. CHEER UP. 買佐至愛, 心情一定變得好些. 打爛左CASSIS用來裝GARLIC, 唔好浪費.
回覆刪除[版主回覆03/16/2011 09:01:00]咦，你呢個提議都好 ，我放係度諗左好耐都唔知點用好，又唔捨得就咁掉左佢。
我有隻好大既stoneware碟無show過出黎(唔係LC)~
回覆刪除[版主回覆03/18/2011 09:50:00]我都要睇下喎！
白色 trivet原來咁靚, good pick 吖! 希望你衣家雨過天青啦, 開心番.
回覆刪除[版主回覆03/17/2011 15:23:00]thx得巴，好好多了。
本來我都好想去，雙腳唔聽使，唯有等下一次喇 !
回覆刪除[版主回覆03/17/2011 15:23:00]你乖乖地，好番去邊都得啦！
Add oil ar ~~
回覆刪除我都希望有一日廚藝有你一半咁我就可以買個玩下 :)
[版主回覆03/17/2011 15:24:00]我都係學學下的咋，試得多就好的了。
你真係利害，搶到我最想要嘢 - 鐵煲墊 ! 我去咗頭3日都無, 原來要最尾2日先有貨.
回覆刪除[版主回覆04/16/2011 11:32:00]係呀，今年我一心就係想買呢樣，我都係去到第三次先買到！ 你想要咩色？
一個都無既情況下, 其實我見到咩色都想買囉....
回覆刪除[版主回覆04/17/2011 08:09:00]係呀，我都係咁而買左個橙色，後來先買到自己中意的白色呢！