le creuset開倉2011海港城

38婦女節的節目係去 Le Creuset開倉！

不過要番工，所以放工先去，430放工，505去到，唔使排隊！超開心！

好多貨，慢慢選，唔使搶。
( 不過據說要搶的貨一早冇晒 ) ( 價錢則同上次開倉咁上下 )

朋友仔今日放假，中午已經掃左一轉，買到花花煲同大橢圓煲，但佢好好回來再同我和另一朋友仔再戰，哈，好開心！
左看看右看看，其實係等的時候我已經找到心頭好，拿住周圍戰利品行黎行去再睇，小小一個area俾我地行左有差唔多個幾鐘，格下價咁，傾下唔同貨品有乜用途咁，買野有志同道合的朋友仔真係好鬼開心的姐！



第一次 TST 呢邊開倉，真係少好多人！多人極都仲好鬆動。

因為家中已有3個煲1個skillet，疊埋心水唔再買煲，所以只係主力睇stoneware。
( 但其實見粉紅色的16cm煲仔都好靚，好彩冇平，都係$ 738；
純白色的BUFFET又超中意，幸好得30cm，太大，同有少少缺口；
Caribbean 長方形skillet grill 又好抵，$600咋，好彩我已有煎pan.....
好多好彩，好彩仲㩒得住自己唔好失控！)



冇上次開倉的薰衣草紫烤盆，但有 Cassis，仲要係正方形23cm，應該入到焗爐，即拿！$170
跟住仲俾我見到 Lavendar 薰衣草色有蓋小盅，唔算平，$ 150@，但對紫色冇抗拒能力，一對兩個丫唔該！整甜品o岩晒！
本來仲想要對15cm小碟襯之前買的湯盅的，但湯盅係唔同色，碟要一對同色咁買，所以作罷。$160
最後俾錢時再買多個白色掃掃，襯番屋企果個刮刮，不過都係扁平木柄，唔係門巿果D圓柄，是但啦，$68 平過平時好多。

就咁收手了！




其實我仲想買個米色的 Trivet 的，我見到架背後有貨，但staff話要留番明天再出！明天我又係要番工....放得工又俾人買晒！幾唔開心呀！唉！唔通我同佢都係冇緣？！





跟住去左starbucks黎個小休，飲杯野，等朋友先生來，跟住再上去再戰，朋友仔買個大煲煲湯同好抵的小saucepan，見到人地買到心頭好，好似自己買左咁開心！仲有老公黎幫佢拿番屋企，超sweet！



我仲坐順風車回家，唔該晒！




回來梗係影相啦！哈！




總共有兩個silicon 掃掃同刮刮！都係白色！

回來將焗盤放入焗爐試，剛剛好FIT！YEAH！大多1CM都入唔到，真好彩呢！