北上睇傢俬記

英女王壽辰放假一天，浩浩都拿左假，正！

有人好唔願意咁同我北上看傢俬
因為佢想訓覺同洗車，激死！
上去逛下看看情況心裏有個譜姐，預算3個鐘左右，又唔係叫佢按摩，點會耐姐！

我地12點先出發，駕車去上水，有45元日泊，但時租都係8元，應該唔會玩到6個鐘咁耐，於是選左時租彩蒲苑，平過彩園村！可見領滙食水幾深！


乘火車去羅湖，乘1號巴士去田貝四路。〈一早係網上找好晒人地share的資料〉
落車就係一個好大的商場──「家合居」。

好多裝修材料：各式磚、浴室、廚房用具等。
可惜我地唔係大裝，唔多合用，略看浴室面盆、坐廁而已。
有個黑色波點面盆，16.5吋，260咋。
但未度呎，唔買得住。

臨走發現到間正野──多樂士的調色專門店！

D油勁抵，又有大型電腦調色云云，但冇看到部機，但見色版都幾多色選。
影左兩張要的色做稿，唔上來買拿去俾人睇都好。
如果到時同師傅傾好左，拉車上來買回去俾佢油都仲得切。
最貴都係200多少少一罐5公升咋，香港溝色要430架。

跟住行去前面另一大商場──「五方家居」
好大，有材料、傢俬、燈、窗簾咁。
睇左下燈但冇乜心水，窗簾冇時間睇，傢俬反而唔錯。
有張玻璃桌子唔錯，1580包4椅，但運費要250，咁咪又成1830？港幣2千咁濟又唔多抵，呢D貨咁的價錢香港應該有得選添。

跟住乘的士去寶安北路的──「好百年」
專賣傢俬的，阿杏之前推介，去看看。隔離仲有「家之福」但冇行。
快行一圈，都幾多野睇，但唔O岩使，地櫃見到好多好正，但價錢唔平，2千幾至4千，係香港訂造應該都係咁上下，但款同料都係靚的，唔似一般大陸貨。

跟住便走了。

總括一句，如果我地係大裝，一次過買會平好多，起碼幾萬。
但我地要得一兩件傢俬咁，回來買好似好煩，都係再看看先吧。

不過大陸D傢俬有些真係好靚，有些係香港好似好高級的傢俬舖見的一樣，先知入貨都係一樣。