調色中心買油漆

話說早前上深圳見到多樂士d油咁平，百幾二百蚊便有5公升，成屋都慳成半有多，千幾蚊喎，咪諗住上去買油俾師傅油囉。

但師傅話佢用開立邦，呢隻日本漆好d喎，咁梗係就佢啦，因為油漆的屬性、溝法同比例好重要，佢熟梗係用佢熟的啦，而且呢隻都係大牌子，俾佢搞店都好。

不過佢俾色版我選時，果然係得色咭上廿隻左右的色俾我選，仲少過我手頭上的色版。


全屋其實得三隻色，白、綠、紫。
白同綠都普遍，選左俾佢去買，但紫好難選到我心水，一來紫多數有偏藍同偏粉紅，仲有明亮D同暗沈D，太實色又怕油出來好快看厭同好娘，於是都係話自己買。



上網找晒D調色中心的地址，因為唔係間間五金店都有得調色，即只有色版上數隻色賣。
屯門咁橋有間店有齊多樂士同立邦的電腦調色喎，今日運動會後見師傅都買好晒其他的用油，咪拿拿色去買囉！原來佢都係那兒買的，唔係用大陸貨，都安心D。
(如果自己上去大陸買係因為平，但佢包埋梗係想佢買正貨啦！師奶心態！)


行左一大輪先找到呢間野！
平記
置樂青海圍8號E地下 (２０１２更新：搬左去井財街９號１５－１６號舖）
其實就係成日去的利寶商場後面，但都幾隱閉！

舖仔細細，但真係好勁，幾乎乜油漆野都買到，連菊花牌都有好多種，掃都好多種，又有齊底漿料等等，油就更加唔使講啦！

去到見到個好pro的色板架，咁先似樣，網頁明明話有幾千種色選的嘛！

好快便找到心水的紫色系列，仲有深淺幾度的選擇。
你估我地選左邊隻？

終於見識到所謂的電腦調色，好勁！
其實只係係電腦選番要的色咭碼，要的量，咁電腦控制部幾出落個罐度，就係咁而已，但減少存貨同高效率又方便準確，好好喎。

咁就可以拿回家了。

我地去到保險打俾師傅問清楚個量，點知我地都係買多左好多，好彩個師傅原來同呢間野好熟，退番俾我地，但都係多左，唔係貴，算吧。
5公升都係350元。

原來油一間房只係需要1-2罐小的(即1公升裝)，我地買左罐大的。