進入倒數階段,仲有一星期便要收樓,有些好重要的野要做的,就係申請水、電、煤的帳戶,以免上手業主cut左後開唔切,收樓會冇水冇電做裝修。
先係水,最方便,上網登記便得!
政府野,果然正!
水務署網頁-->客戶服務-->承接帳戶-->用戶轉名-->網上服務
http://www.wsd.gov.hk/tc/electronic_services/water_account_related_services/takeup_online/index.html
跟住係電,問過最遲3個工作天前拿臨時買賣合約去門巿做登記,費用970元,但可以係帳單到先交。
煤氣公司,上網登記左小小資料,佢覆電話,但都係叫親身去門巿做正式登記,又係要臨時買賣合約,原來咁鬼重要的。
費用600元,即俾。
要上門做安裝錶,佢話可以入伙先開,因為開左唔用都要交$29.9,但我地都係16號開埋。
仲問左海典軒用的係乜爐,估唔到係佢地最貴那種爐,都成8千幾9千的喎,送的都咁好,抵!
仲有煮食爐係平面那些,浩浩話入伙咪知囉,使乜問,但問下無妨姐。
好在屯門巿中心有齊晒,1個鐘內搞掂晒。
Town Gas 仲好多野賣,巿廣場咁方便,真係唔捨得。
仲約埋律師11號上去簽埋最後的交收文件添。
快d收樓!
沒有留言:
張貼留言