約左師傅1830上去看看同傾傾有咩要整。
最後都係
1) 全屋油油，唔使剷底，但執補全屋細位
2) 走郎位做假天花加燈，但唔儲物
〈本來我覺得反正都係整，儲到野抵d，但浩浩話唔靚，於是放棄，我幾聽佢話丫〉
3) 拉電視天線
4) 加多兩個電掣，本來爸爸話佢得的，但人地整開俾佢地搞埋唔好煩
5) 燈、架等都可幫我地搞掂
6) 電子鎖可以試下幫我地裝，但唔知得唔得
佢話浴屏都可以幫我地搞埋，但我想要隻靚的牌子，佢話有cataloge型號跟住去買先好喎，咁煩再諗諗吧，反正通常出面買都包安裝的。
〈正如阿伯話齋人地開舖日日做會專業些〉
交低鎖匙，第二日開工。
預計1星期左右喎！比上次10日8日又快左！
唔知真定假。
20-11-2009 ( day1 )
我同浩浩都有野做，放工唔得閒上去望望，但師傅買料都要時間啦，明天先睇。
21-11-2009 ( day2 )
我運動會晨咁早番工，好彩浩浩主動話車我去，佢回來食早餐訓多陣，找來老友黃家榮來幫手拆左張油壓床、同梳妝桌去掉。
幸好海典樓下有地方俾掉傢俱的，唔使車去第二處掉。
我放工俾人點左去買美心西餅俾師傅們吃。
上到去好好陽光，好舒服，好開心喎，佢地搬野，師傅做野，我蹲係露台曬左好耐太陽睇風景，椅都冇張，好白痴！
師傅超快手！
竟然已經整好左走廊個假天花，加埋燈。
拉好全部電線電掣、TV天線！
仲發現牆身有冷縮熱脹的裂痕，用牆身用的白膠漿封好，再批平番，見佢拿住D泥左批右批，又快手又企理，執野搬開D櫃咁，再執架生咁。
唔記得影番張未整的橫樑相添！ 全屋都舖好膠板保護個地板，好企理！
牆要陽光下先見到有微裂，好彩師傅發現到！全屋的櫃超實淨！尤其欣賞個衣櫃！
看來我地真係找到好師傅！
左邊就係陳師傅，右邊的係做電的拍擋。
即刻仆去買埋房的油俾佢。〈佢已經買齊晒油漆用的物料用具、燈、掣等〉
佢5點放工時話星期三應該起到貨！
快成咁？！但睇今日的情況我地都覺得一定得。
要快D買齊野找佢搞埋先得。
好期待呢！
即刻CALL傢俬的邱先生同床褥的金小姐，盡時交貨，咁便可以快些入住了！
諗下都開心！
期待來你地度house warming呀!!!!
回覆刪除[版主回覆11/30/2009 15:26:00]i looking forward too