Sogo Thankful Week 掃貨 ── 真空煲、床單套裝

13-11-2009

因為之前做月供股票，申請左張sogo中銀信用咭，係sogo購物有額外95折，上星期收到寄來的傳單，今天是Sogo Thankful Week 的第一天，於是放工去左掃貨！

真係好多人，簡直係搶購，碰巧新居快入伙，好多野O岩用，真好！

之前去左吉之島格價先，真係平先買，幾精明！

 

收獲一：膳魔師真空煲

本來諗住買日本Tiger6公升的，但學校個個同事都極力推介膳魔師呢個牌子，咁佢的6公升係長桶型，冇8公升咁闊，洗同放都冇咁方便，又諗有朋友屋企人來煲多少少都好，於是扑鎚買左呢款！

個姐姐仲俾可用個優惠價買多個細的4升陶瓷養生煲，放入去大的內膽可當燉盅用，又幾好喎，仲有不銹鋼湯勺添，師奶仔會覺得好抵，嘻！

承惠 $ 1618

吉之島做特價都 $ 1988架。

 

 第二收獲── RAPEE 床單套裝

本來目標係CASABLANCA的，但睇左好耐，佢都冇FOR厚床褥的床單，大的又膽心會鬆，於是行過隔離再看。

點知見到RAPEE有個系列本來超貴，2折喎，又可以俾最厚20吋床褥，因為佢係床單，都好高貴好滑咁，即刻決定左，買左白色全棉緹花床單枕袋被套全set，再買多套紫色床單枕袋添。

14-11-2009

吉之島做特價，casabalanca大豆被所有size都係399，之前用過好舒服，sogo特價都冇佢咁抵，於是一次過買左2張，一張queen size、一張普通雙人，因為浩浩中意自己蓋一張喎！正！

17-11-2009

諗諗下再去sog行多轉，買多左張日本的羽絨被，今日真係好凍，有張被會好好多，唔，咁便夠了。

見到同牌子的床單被袋好靚，但我想要的紫色同白色冇size，好唔開心！

18-11-2009

上網找，見到uji原來美孚西鐵站有分店，買左紫色張被單先，回去再諗諗買唔買埋張床笠同枕袋。