昨天收樓後，今日食完飯便同佢地上去看看。
天寒地凍咁由兆麟行過去，雖然只係3,4分鐘，但都想死了！
幸好佢地讚不絕口，同埋見到個巿真係係咁升，冇再繼續話我地買得貴了。
爸爸仲幫我諗好多點裝修放位的野添，謝謝爸爸和媽媽。
爸爸仲買好晒燈座同燈泡，拿埋梯過來，幫我地裝番盞書房燈，又話幫我將房燈較成可調光暗、自動感應咁，幾勁呀！
不過我問如果入房唔想開燈咁點，佢話找塊紙皮遮住佢囉，即刻笑左出來，唔該晒！都係唔使咁高科技了，但房燈可調光暗又幾好。
間房即刻光番晒。
爸爸唔記得拿老花眼鏡，但我地用電筒照住，我講色佢靠摸黑同經驗下完成的，我覺得佢好叻！
但房因為電線為雙線，佢看不清怕弄爆盞燈的頭，下次先再繼續。
諗諗下其實燈都係用光管同慳電膽抵好多，雖然老土D，但實際嘛，買燈時都係選盞可以用到慳電膽的好。
廳兩盞原裝燈超食電，但好靚。
浩浩放學回來剛好車我地回家，唔使吹風，真好！
沒有留言:
張貼留言