Health Guard 防蟎床墊

因為我同浩浩都有嚴重鼻敏感，嚴重時更會喘起來添。

除了注意清潔外，有些物品都真係幾有效的。

1) 清潔：都係清潔，盡量避免塵、毛等在空中飄浮，由於家中有貓，所以特別要做多D同小心處理。洗衣服洗地盡量用60度以上溫水。

2) 藥：經驗得出，簡單快捷見效，近年用開「樂信治敏速」，一粒有效一日，又唔眼訓，長期服用冇副作用，只係靠食藥感覺唔多好。

3) 運動：多做運動身體好，抵抗力強敏感徵狀會減少DD，但天氣凍又懶，唉.....

4) 空氣清新機、吸塵機選擇：一定要選有HEPA過濾網，咁可以過到好多細小但又會引起敏感的塵同蟎。

5) 防蟎寢具：因為床褥同枕頭唔可以成日洗，但人身體會有皮屑脫落，塵蟎會吸食這些維生，然後排泄出引起敏感的物質，一些防蟎床墊同枕袋的纖維物料間隔特別細，透氣但能防水同防蟎。


**********************

我地之前買過張床墊好好用，除左防敏感，仲有個後來才發現的特別功能，就係防水，有次阿清賴尿，全張床褥、被、床單等全部要買過，幾大件事呀！

後來用左果張防敏感床墊後，同樣的事又發生，但張床褥冇事！因為張床墊防水！

就係咁，新屋的新床褥點都要配番張床墊啦！
但之前那隻加拿大牌子，係荃灣千色店的COUNTER冇左，上網又唔見有分店，唯有另覓類近的物品代替啦。

差唔多類型的只有台灣品牌Sleepy，教協做Promotion，應該唔差卦，但個SIZE唔多O岩，因為佢係全張入住的，有厚度，太大多出來令床單更加入唔落，已經好苦惱買床單好煩。
http://www.sleepy.com.hk/index.htm

網頁話可以訂造，EMAIL問佢佢話最快係改SIZE，本來都OK的，諗住找間分銷商看看版的質料的，因為多係香港區的醫務所，於是星期六趁過開去幫珊同亮車婚紗同拿酒回家，便去左西環，但竟然冇做代理了！

唯有下次再去另一間看啦，見仲有D時間，過上環永安看看阿杏，點知俾我地係永安發現番那間加拿大品牌的產品，個size仲好fit〈因為佢只係有面的層，多左都唔會影響床笠〉，價錢係貴少少，但外國野又用過，信心大D，同埋時間咁巧合，似乎係整定要買佢囉。

而且就咁買左了！
$1029

http://www.healthguard.com/index.php?st=1&s=Sleep_Protection&p=Luxury_Quilted

浩浩張心愛床褥可以安枕無憂了！