諗左好耐煮乜好,最後都係選牛腩,因為應該係最發揮都個煲的功力。
拿出本「小菜王」,找左幾款牛腩的食譜,浩浩最後選左「清湯牛腩」。
牛腩好似應該配河粉,於是第一次整「牛腩河」。
賣相一般,不過都幾好味,但我覺得可以再好d,期待下次再玩。
************************************************
趁佢去打波,我去買料,但原來牛腩一D都唔易買,唔知點解,最近牛肉的舖頭少左好多,而且相對豬肉,也很貴。
買左下列材料:
1) 牛腩 -- $48/1斤
2) 花椒八角 -- $2/包,各一
3) 白蘿蔔 -- $6/1斤,北京,幾甜
4) 洋蔥 -- $4/1個
5) 蔥 -- 買蘿蔔問阿姐取的
6) 薑、蒜 -- 早幾日煮完飯,家有存貨
做法:
1) 牛腩洗淨,汆水,洗淨;蘿蔔去皮切件待用
2) 下油,燒熱鍋,爆薑蔥蒜同洋蔥
3) 牛腩略炒
4) 加水、花椒、八角、冰糖、蘿蔔,中火同煮
5) 滾後轉小火,煮30分鐘,熄火焗15分鐘,完成
炆牛腩的秘訣在於唔好死炆,炆下焗下,可以再炆再焗咁,呢個鐵鍋保溫焗便最好,只係時間關係,都冇再番炆,焗的時間也很短,所以仲有進步空間。
6) 河粉反而唔識煑,就咁滾水放煑熟,另上。(但似乎太熟,淋得濟!)
廚房爐頭好忙碌!很久沒有3個爐頭一齊用了!
最近成日想煮野食,我要重拾當年我的小廚神稱號先得!呵!
近年冇以前咁常煮野食,退步左很多呢!
好叻呀~
回覆刪除[版主回覆09/25/2010 11:32:00]THX你咁講,好開心,不過其實係本「小菜王」得姐
d 牛肉而家真系好貴 你燜得好叻啊,夏天清清淡淡最好,可能下次你lok 河粉半熟,等d牛肉湯咁熱浸住剛剛好。
回覆刪除[版主回覆09/25/2010 22:49:00]係啦,河粉反而真係冇食譜教點整,謝謝教路呢!