廣良源 ── 綠豆洗容素

搬新屋後鼻敏感好左好多，我歸咎出最大原因應該係有露台，衣服不用晾在密室內。  ( 早前有報道研究話密室曬衣服會釋出毒氣云云 )
另外，轉用環保洗衣球洗衣服我相信都有關係。

上星期洗完地，鼻敏感又來，最近留意一些天然的清潔劑，希望減少化學物品的接觸。

上網訂左包茶籽粉，未送來，遲些先試下效果。

但想分享一個洗臉用品，平靚正！

就係「廣良源 ── 綠豆洗容素」！

接觸呢個牌子係由雪怡旅行回來的手信，一支補濕噴霧水開始，都幾方便好用，放係公司久唔久噴下咁。

最近上網先見到呢隻受好評很久的綠豆粉，有人甚至話自己用攪拌機乾磨都得，但見莎莎都係9.9一包大，( 好似有隻5.X細的添 )，咪試下囉。

粉狀，又唔起泡的洗臉粉，有些怪，加水一舊舊咁，即管試試。

點知超好用！真係去油乾淨但又唔乾，溫和地去油，洗完之後超滑，當然佢又未至於去晒所有黑頭咁勁，但好過好多洗臉用品囉。

早晚用來洗臉，幾天下來，唔知心理作用定點，覺得臉上的暗粒好似少左，又白左少少咁。

同埋超平，我倒左少少落個膠毛巾盒仔 ，每次隨意拍少少出來用，用左成個星期都未用到一半。$ 9.9咋，想點。

佢話可以用來敷臉添，放假試下先得。