呢個LC第一次用竟然係打邊邊！哈！大材小用吧。
不過如果OK，可以掉左個邊爐鍋，慳番D位都係好事。
本來諗住滾個湯的，浩浩話不如滾個魚湯做湯底打邊邊，其實我地都好中意打邊邊的，好味又方便。
順利成章，買條大眼雞，下油熱鍋，煎薑片，魚洗淨拍生粉，下鍋煎。
煎魚最考耐性，有人心急反魚，所以都係失手左少少。不過魚皮是魚佬剝的，所以都唔算失得太嚴重，只係少少唔靚，少少黏底囉。
跟住入煲魚袋，加蕃茄薯仔，另加水煮45分鐘做湯。
媽媽話魚湯一定要煎左先會奶白色，我地有，但都係唔得奶白。
後來找番原因，係因為我地太小心錫住個煲，太乾淨，煎完魚驚佢黏底洗左個煲先再下水煮湯。冷水係會冰卻左D蛋白質，變唔到奶白色的，噢！
算，下次就咁下熱水煮便得，再努力吧。
不過今次做湯底都好OK，每人飲左碗先開始。
魚湯要奶白真係要落熱水撞先得嘎
回覆刪除我平時比較粗魯用煲 ，好在LC清潔都好容易，最多浸過夜都ok 嘎
[版主回覆09/25/2010 22:47:00]我用左幾次先發現原來唔使太小心用，其實佢都唔係咁難洗同咁易花的。 等我下次都試下用熱水撞先，thx
我想問下你盒'響鈴' 邊度買嘎？ 我好鍾意食
回覆刪除[版主回覆09/26/2010 08:36:00]我係屯門新墟街巿買的，不過D大街巿賣打邊爐食物的舖頭都應該有的。我都係出街食過一次後愛上左。
你枝清酒我都有飲, 唔錯gar~
回覆刪除[版主回覆09/26/2010 23:07:00]係呀，清清地幾好味，不過屋企仲未有飲清酒的杯仔，諗緊添置。
要奶白色好易, 煎好魚無關火趁煲仲熱就下水(凍水都ok, 我地叫贊水), 再放回魚滾幾滾, 我習慣連魚都不入袋就下水等滾好先撈上來, 大眼魚無小骨, 過程中你唔去攪佢係唔會散架.
回覆刪除[版主回覆12/28/2010 22:07:00]謝謝你的分享，我下次一定要試下先！ 我好中意飲魚湯的！