平過開倉的le creuset 26cm round french oven

諗完一大輪，星期二買左呢隻白色 Le Creuset 26CM round french oven，等送貨！

********************************************************************

話說開倉日沒有去買煲，因為一早睇晒網上評語，好多人都話佢雖然靚，但會泡，冇孖人牌的系列 staub 較好咁，所以我一心諗住遲些買番個 STAUB 炆野咁。

但回來上網睇下，le creuset 的顏色越睇越靚。反而 staub 都唔知選咩色好，最有可能係白色。

因工作地點關係，星期一放工又去開倉度行一轉，唔使排隊了，d 人話早上有新貨，都要排，但下午冇晒貨就唔使，但煲就冇晒。



順個便去 sogo 睇下 d 款，點知去到見到 D 疑似開倉的煲同煎PAN ( 即係唔係平時賣的顏色，但款一樣那些 )，仲要同開倉一樣價！

有 2 個 C9 問阿姐，阿姐話真係同開倉一樣的，分別在呢度唔使排隊、唔使搶、仲有送貨！ ( 咁寸的？！ ) 我多口問咁 SOGO 咭係咪再有 95 折？佢話係。嘩！咁咪仲抵過開倉？咁做乜要排隊呀？ ( 咁當然係冇其他焗盤、鑊、超受歡迎果 D 色啦！) 好彩冇我地隻大煎PAN咋，唔係激死！

看看 D 煲先，有白色！好靚喎！上次個煎 PAN 的米色我已經好中意，而家仲要係白色，純白色喎，連入面都係白色，唔係其他款的米色架！但會唔會好易污糟呢？阿姐梗係話唔會啦！琺瑯云云。

當然呢隻牌子某程度上出名係佢的顏色真係好靚，色彩繽紛的廚房煮野食都開心D，所以開倉特價多數淨下的都係黑、白、灰等色，之但係我好中意白色，咁對我咪好好囉，又中意又平！

冷靜 D 先，睇埋 staub，記低價錢，回家再諗一諗。



之後仲去左 times square 睇下隻淨係俾 lane crowford 賣的深淺兩隻紫色。( 另詳文 )

諗完都決定買的了，le creuset 真係靚好多，我唔放咁多水應該都冇事的，只係要唔要白色咁解姐，定加少少錢要其他色。反正都買，買隻自己真係中意的啦，反正有排用。

咩色好呢？
其實最中意係淺紫色，其次係白色同米色，青綠色同那隻加勒比海藍都好靚。其實好多都靚，花多眼亂。

不過我都係中意簡單d，白色係我心水，又平d，好好呀！就咁決定左。

仲有SIZE，特價咁多，買隻大的好似抵D，細的下次可以買第二隻色，以最少錢買最多中意的野！呵！

呢隻主要係用黎煲湯滾湯用，家中已有隻11KG超大型BUFFALO，於是買隻26CM，都有成5.3L，放到隻雞咁，都應該足夠有餘。打俾浩浩，浩浩話可以打埋邊爐添，又好！如果係好用的話，可以掉埋個邊爐鍋添。



至於滾會泡的問題、清洗的問題，我相信有辦法解決的，到時再算。
靚有時真係好重要的。


呢款鍋的資料

日本賣呢款鍋