士多啤梨果醬

話說之前假期去左香薰園玩左兩個鐘，好熱，但D花花超靚！

呢張相我冇執過色架，只係加左D框，FACEBOOK朋友仔話似貼紙相！


除左影花花，仲有士多啤梨摘，入去好幾片士多啤梨田入面揀到靚先剪！超興奮，我諗小朋友去到應該仲開心囉！好玩過尋寶遊戲！

不過玩下好，計數成$70/磅，傻架！係咁易剪左十幾粒過下癮便算。

不過又紅又靚真係好似假咁的，仲要係親手揀同摘，確係唔同D的！

就咁食左幾粒，其餘全部拿來做果醬，嘻！又係貪玩！


材料： ( 超簡單 )
士多啤梨 200g
砂糖  40g (士多啤梨的1/5)
檸檬汁  半個


做法：
1) 先幫士多啤梨磅重，計份量

2) 士多啤梨切碎，與砂糖混合

3) 以保鮮紙包好放雪一晚，以逼出水份

4) 一晚後拿出來會見到士多啤梨出左好多汁

5) 準備檸檬汁，隔去楂及核

6) 檸汁與士多啤梨同倒入小鍋，以大火煮滾，轉中火，不停攪動免黏底

7) 約10-15分鐘即成。 ( 煮至你喜歡的濃度便可。 )
    以預先消毒的小樽入起，放涼入雪櫃儲存。

整出來好少，200g士多啤梨，但出來200ml的樽差唔多得一半！


就咁拿來塗麵包，已經很好味！

另外仲係香薰園買左棵薰衣草，花未有，也不期望有，但棵野好神奇，就咁聞冇味的，但用手摸下佢，隻手就會聞到好濃的薰衣草香味！
都配合我的香草園，俾佢入埋黎啦！