其實係因為個樽囉！
( 死都搵D野賴下....！)之前買酒淨左個 2.5L 玻璃樽，掉左佢又好浪費，又諗唔到有咩用，放左兩個星期，結果昨天去開街巿買菜，見到D梅，忍唔住又買左兩磅回來.....順便買左樽酒。
( 仲有梅賣，但少左好多地方有，同埋D梅熟左好多，聞到香味，所以冇汆水呢個步驟，就咁洗淨吹乾便算。)
諗起上次買個日本樽有條梅酒配方未試過，於是今次梅唔多，就用呢個比例浸下先。
基於唔識日文，不過好在成份簡單，估估下都大概估到。
2磅梅，差唔多1KG，個樽2.5L，剛好用4 ( 5號 )果欄，唔使計添！
佢都係話用35度以上的酒，但梅的比例冇咁多，唔知出來個味會點呢？
浸完唔夠酒，今早去買酒，順便買多半磅梅補番昨天熟到爆的幾粒，結果又淨左少少，十粒左右。
哈！浩浩話咁樣會玩極都玩唔完的喎！
於是找埋D樽仔浸埋佢，用10蚊店200ML的樽，諗住細細地浸兩樽剛好，但樽太小，放果個量的酒唔夠蓋過D梅！
又諗住用奶凍個樽仔，幾Q呀！可惜一樣問題，2粒都已經浸唔過D梅了，1粒又未免太少。
最後都係把心一橫，放晒入呢個原本諗住放果醬的450ML樽入面，不過未放糖已經FULL左！遲些再算吧！
我諗今次應該真係最後一次了吧！
遲些先放糖。
哈，呢度又3L了！
現時為止，灶底有34L酒，6大4小，真係10瓶了！YEAH！
你啲酒浸好之時，就係我地再G meet 之時！
回覆刪除[版主回覆05/02/2011 09:06:00]我中意你呢個預言！ 期待ing~~
唔知代客浸酒唔知有無生意做呢~
回覆刪除[版主回覆05/03/2011 11:33:00]嘻！我中意你呢個提議！
嘩,巧多呀!
回覆刪除[版主回覆05/04/2011 21:26:00]我都覺得呢！
我附近無梅買, 又無時間特地去找, 我諗我都係又等明年了!!
回覆刪除明年復明年, 明年何其多!! 唉......
[版主回覆05/04/2011 21:26:00]哎呀，好可惜呀！你住邊區呀？我幫你留意下丫！
原來你係酒仙~~ 咁多梅酒沖涼都夠啦~~
回覆刪除[版主回覆05/05/2011 17:08:00]如果唔好飲，真係要拿去浸浴囉！
妳個灶底一定好大 :)
回覆刪除[版主回覆05/05/2011 17:09:00]就係唔大先夠離奇！哈！
你中毒都好深下bor !
回覆刪除[版主回覆05/16/2011 00:16:00]明顯係，多得你「傳染」，哈哈！
嘻嘻...昨日找到一個樽，我又浸多左一瓶雙蒸......沒有下糖，d梅脹卜卜，幾靚 ~
回覆刪除唔知幾時先可以戒毒呢?
話時話.....我都未計過今年浸左幾多公升酒，等我又算算先得 !
[版主回覆05/16/2011 00:17:00]你都停唔到手喎！
我地啲梅酒浸左3個月喇~~ 提提你係時候拿酒出來試味，通常仍有澀味，你可以再加些冰糖，有些人會以 1:1:1 (梅:酒:冰糖)，但不會第一時間加足糖的份量，因為太甜就救唔番。
回覆刪除上星期我已check左我啲酒，再添加了糖喇，因為我鍾意甜口梅酒，加左冰就啱啱好。 依家飲梗荔枝酒，只係浸左2個月，已經好香荔枝味，只係波左一枝，睇來又要浸多枝先得喇~ Jacky Yu 出左面食譜，入面教了十多種浸生果酒，有桃、蘋果、士多啤梨、巨峰提子等，睇完都好興奮!
[版主回覆08/06/2011 00:31:00]咁橋的！我剛想講我今日加左一部份糖，又試左少少味！ 第一瓶熟梅浸的酒好濃好似樣了，但好似你咁講，仲有少少澀味...但加左冰飲就唔覺了.......我應該等多些時間，還是加多些糖呢？
大瓶酒要浸多些時間，可以再加少少冰糖，不要一次下太多。
回覆刪除你或可試下另一個方法快啲有得飲，做法是將酒另入小酒瓶 (如舊梅酒瓶, 但不要梅) ，然後加入一兩粒小冰糖，久不久搖一搖，放置一星期，味道會較佳。 我依家都係用呢個方法。
[版主回覆08/06/2011 01:19:00]好，等我又試下先！ 我見你的荔枝酒，其實都心思思呢！但荔枝酒應該用什麼荔枝比較好？
荔枝酒最好用糯米糍，夠香甜，我用妃子笑又係好甜，比例都係2:2:1，不過不要下太多糖，糖永遠可以後加嘅，酒用廣東米酒得喇，去核或不去核都得，荔枝去皮(去核)後，荔枝肉要先用一碗米酒浸洗一下才入瓶子，加酒浸一個月，加糖調味，再浸一兩個月便飲得。
回覆刪除夏天飲生果酒加冰一流~
[版主回覆08/07/2011 21:52:00]好想試！如果我得閒去買到靚荔枝就浸啦！ 我明天番工了。
其實我想知茘枝酒應該浸幾耐？笨B媽個爸爸話浸20 days 就夠！
回覆刪除[版主回覆09/07/2011 15:07:00]其實我都好想試，因為荔枝好好味，浸酒都應該好好飲，但未試過。 我聽人講話好快出味飲得，因為已經去晒殼好易出味，但幾多日就真係唔知。