復活假大病

幾個星期冇UPDATE呢度，心有餘而力不足。

復活節假本來計劃一大堆，可惜浩浩病到死死下，結果乜都冇做，只係係屋企煲粥同休息。精神稍好時都只是到露台坐坐，有時甚至係半夜三更，好的方面諗都係幾浪漫的。

唯一的娛樂就係煲各種的粥囉，魚、鴨腎、菜、肉丸粥等等，兩人都難得清淡，瘦左幾磅，意外收穫吧。

點知復活假完結番工，竟然到我病！

仲病到大大鑊！發燒感冒咳乜都齊！唉！但番工就乜都話趕，死晒咁都只係請左1日半假，睇醫生果5日假紙又係得個拿囉。

我好少病成咁，呢次病到攤係度咁耐真係很辛苦，以後真係要好好保持健康才行。