自從18歲定下一個十年計劃後，很久沒有定過什麼大計劃俾自己。
今年想係年底做樣想做很久的事，就係做包租婆！
於是定下新一年的大計劃，努力儲蓄！
因為定個額俾自己都唔低
要每天實行
話難唔難
話易都唔易
不過都有信心做得到的
開始第一星期都叫順利喎
因為要停止晒所有的無謂開支，即雜誌、衫、雜物唔係要用都唔買
才發現原來當人無所事事行過d商場舖頭時，第一時間真係諗下有乜想買同要買，幾恐怖！
跟住諗起自己想儲錢，即下唔想買，可見呢個願望幾咁強烈！
也因為咁留意多左消費呢個行為，找番D理論SUPPORT先
1) 大部份現代人都進行緊「老鼠賽跑」的行為：小老鼠努力讀書找份好工，然後花掉大部份時間、精力努力為老闆工作，交稅為政府工作，跟住有能力就買樓買車買東西為銀行工作，換來債務同帳單，於是更加努力工作賺錢，然後換樓換車生小孩，以換更多的欠債！ ( 取自「富爸爸 窮爸爸」 )
2) 在香港一切以經濟掛帥，我們自小被教育要努力工作，賺到錢就可換取更好的享受。除左耗盡積蓄以按揭買發水樓，每月還債供息，還要向發展商交管理費。唔買樓好些嗎？你到商場食肆快餐品用膳購物（租金直接或間接與營業額掛勾）、燈油火蠟、衣食住行全都跟地產商有關！巴士渡輪、上網電話電訊、燃氣電力，全部都是各機構通過各種壟斷經營權下的消費，通脹不過是政府同地產發展商用不同的名目方式以巿民的勞力去擴大收入而產生的。( 取自「地產霸權」、「獨立媒體」 )
上面的理論其實都幾惹人深思的，跟據我呢幾日觀察，家中有的東西 ── 除食物和紙巾等日用消耗品以外 ── 通通足夠用一年以上唔需要添置！( 可見平時買埋買埋幾多唔等使的野？！ )
很多時，物質少了一些，日子還是這樣過，甚至會過得更充實，那為何要去不停買呢？要用前考考心思找辦法取代應該仲好玩。
留番D錢做現金流，換取真正的收入，希望真係做到吧！
延伸閱讀資料：
張超雄：貧窮、壟斷與通脹
官商勾結的政經結構 《地產霸權》陳雲《九評地產黨》序言
努力啊, 希望你成功.
回覆刪除我好明顯就係你講既人, 努力讀書, 努力工作賺錢, 有機會就消費" DUM" 自己, 但係好多可能都係無聊嘢, 食嘢要食好啲, 又係"DUM" 吓自己, 好似日日不斷做重覆既嘢咁, 好悶好悶. 到結婚, 想置業, 啲錢就儲來儲去都儲唔夠. 去投資, 又大風險, 損手難腳機會大過賺個柑. 有時諗到底咁辛苦返工為咗乜 ?? 想安居樂業, 好似都離我咁遠.
[版主回覆02/11/2011 17:44:00]好明顯我地都係大部份的人，無法，我地都係香港現代社會大。 唔知由現在開始想改，改唔改得到呢？
加油呀，你好叻有個目標做個包租婆，我真係無咩諗過，可能我船頭驚鬼船尾驚賊，哈哈！睇黎，我真係無咩大志～
回覆刪除[版主回覆02/16/2011 15:24:00]都唔係丫，我覺得你仲叻，做左業主咁多年添！ 我近年讀完書先叫開始儲到少少錢，唔想D錢亂花，放銀行又貶值，投資風險又大，諗住買磚頭收租點都叫有個單位，有事可放左佢換番錢，或者收番自己住也可咁，放出的錢點都叫供緊係自己的資產，放到租的話就有穩定收入。 諗到好理想，不過要儲到買得成先，宜家的樓升到癲左咁！