家鄉咸湯圓 + 年宵花巿

年三十，爸爸整左家鄉咸湯圓！

一年等食呢一次，勁中意食！下年等我試下整先！

YY而家好大隻了，買左一箱罐頭俾佢，可以食番濕糧，媽媽話佢好開心呢！



跟住跟浩浩出左太古城，佢上銀行做野，我去行街，好想行太古城，但冇行到，去左SOGO買禮物，嘻！(其實仲想找FAFA食TEA，但唔夠時間！)

買左個銀包俾佢，仲買埋掛頸咭套放工作證，送左個咭片套。

不過銀包入完已經脹爆，放唔入內格，早知買冇格的平幾舊！工作證套等新咭出左先用喎，咭片套就我要！


回太古城未夠鐘，行多陣吉吉島，諗起FAFA話買到果隻瑞泉黑糖梅酒，但今次我找唔到，買左另一隻想試很久的清酒，細支裝又試下吧。

晚上回家團年！近年爸媽乖左好多，煮野份量少左好多，唔會再有咁多隔夜餸剩，做得好！一家人齊齊整整食餐飯已經很好！

之後仲同杏、浩浩行年宵，其實我興緻一般，但浩浩話佢年年都行，行大運喎，所以又去左。

買左15蚊大大貓貓波波風車、同10蚊毛毛耳罩，從未試過咁兩姐妹的！

一路走一路好多人問係邊買呢個風車，嘻，我地都覺得幾特別呢！

回來用索帶縛左佢係露台，睇住佢轉轉轉，好開心！快D轉個大運！