拔絲香蕉、小籠包

一直很喜歡吃上海菜！

尤其以下呢兩樣！

1) 拔絲香蕉

其實唔難，但要技巧同埋要即整即食，所以香港好多上海舖都唔做。

難得找到間有，仲要整得好靚添！忍唔住俾個讚！

2) 小籠包

皮薄餡靚加有湯汁視為極品！

間野係愉景新城，開左唔耐，可以一試。

我最近的好消息!!

呢份工做左幾年，對上兩份都唔使番星期六，所以黎到超唔慣！覺得好辛苦，完全唔夠時間休息，每星期得1日真正抖抖，但番教會的話走來走去，好多野想做都唔夠時間做！

今年又簽約，天時地利人和造就左我可以改變呢個情況！

感謝主！

我再次回歸5 DAY WORK！

YEAH！

SOGO THANKFUL WEEK 買物

又黎SOGO THANKFUL WEEK，其實都冇乜特別想買。
心水其實只係得幾樣，1) 廚房野 2) 睡房野 3) 護膚品
哈，不過咁都夠我有排買了。買極都買唔完的。



第一日FRI放工同雪怡去行左一ROUND先回來同舊同學食飯，，超多人！

結果廚房野今次冇買到。LC野好靚，但要有的我都有( BOTH 煎PAN同煲 )，想有的佢冇(CASSIS)，反而令我更心思思上網訂就真！

雪怡買的砧板都好吸引，但砧板我家實在太多，唔想俾人話，同埋真係冇位擺，掉緊D我又唔捨得住，遲些吧。

床單SET又冇我想要的。





跟住星期日單拖去有目的地掃貨，1030去到冇乜人喎，正！
呢日有CASA CALVIN的大豆被特價，單人至QUEEN都係$299，一直有蓋開呢隻被，格開價，堅抵！即刻入貨！呵呵！

一買買夠2張！一張QUEEN SIZE，最抵！買多張KING，冇呢張咁平，但配番套床單SET FIT晒！
係，俾我買到個SET睇O岩好耐的1100針天絲床單SET！( 早兩個個姐姐話冇我想要的花同SIZE，今日去都話冇，但我行過隔離問佢根本有貨，D SALE唔知點做生意！ )
因為家中的床褥超厚，床單通常要買大一個SIZE先O岩用。
想買多SET，但D花唔O岩心水，於是買多SET 770針的另一款！

仲有送貨服務，超好！因為果日紅雨，冇駕車，仲要趕去北區睇比賽，好狼狽！有送貨真好！

星期四送，星期六放假即換，哈！好靚，好滑！同埋KING SIZE被原來好正！除左靚，兩個人蓋仲唔怕俾人捲走左D被冇得蓋。( 平時我地會一人一張被的！)

同相都有9成似！

快樂小物！

最近買左呢幾樣小物，超中意！
快樂係要對自己好！
1) Afternoon Tea 通花碟
呢隻碟恨左好耐！好友去台灣幫我托回來的！仲要係一對，THANKS！

真係靚到冇朋友，超精緻！

我諗如果佢係香港有得賣，我應該買到傻左！

2) SKIP-HOP 小蜜蜂LUNCH BAG

話說呢個LUNCH BAG係番工時見到有個自己帶飯的小朋友用，超中意，但唔知係邊處買。
後來見建行信用咭有得換，不過呢張咭我唔多用，儲得來蚊訓！
上網找，又俾我找到間網上商店，好方便就買左，星期六浩浩接我放工時去長沙灣個SHOWROOM拿！

好可愛！
有保溫功能，諗住可以去露營時加個10蚊店的冰盒便可。

設計好細心，如果我有小朋友一定買埋個書包仔俾佢，仲有好多其他動物的。

買果間店



3) 小鴨鴨

放工係銅鑼灣小店見到，$29袋，10隻。

用黎做乜？嘻！梗係浸浴的時候陪下我啦！哈哈哈哈！

細過冇，大過補番先！如果有貓貓應該仲開心！

好嬲yahoo blog！

人地難得咁好心機寫blog，點知d相post好晒，但出唔到，但係html 模式明明見到的，我copy & paste出來save as word做copy也見到，但就係顯示唔到！

好嬲呀！
都唔知仲寫唔寫好！

超好用的BB CREAM

復活節假後番工忙到嘔！一直冇停過，我的TO DO LIST排到我都睇唔完，邊樣趕就做邊樣，想死！

興幸係放工便放工，唔使帶野回去做！

(呢樣係我來這以前想都唔敢想的，唉！往事不堪回首！)

 

不過放工回去都累，但堅持除工作以外，我要有自己的生活，做自己想做的事。

所以一得閒我都有煮野食、打理花花同貓貓、扮靚靚。

趁幾日得閒少少，希望可以將D野寫番出黎先！

********************************

最想分享最近先發現勁好用的 BB CREAM，其實早幾年都已經有聽人講 BB CREAM好薄好好用，但身邊又冇朋友用，所以一直冇諗住試，同埋平時用的粉底都可以好薄 (不過薄的粉底有個問題就係遮暇冇咁好)。

同埋又聽BB CREAM其實係遮暇，我覺得可能會好"立"，同埋好焗咁。

直至上星期，同事講開番工化唔化妝的問題，有人話呢隻牌子的BB CREAM唔錯，平時真係唔多覺佢化左妝，只係幾為佢皮膚好好咁，真係薄到咁？行開街見到，即管又買來試下先！

其實佢有好多款，買左最貴又最多護膚功效果隻，姐姐話係皇牌喎，都係298，比平時用開的粉底平，又大支D添！(不過我未用過佢其他BB CREAM，冇得比較，不過比SHISEDO同NEUTROGENA的幼滑易推 )

選左自然色，佢有白D的色，但我唔中意咁白。

姐姐話要用粉撲塗，會貼好多，係卓悅3X買左一大包3X個有排用。

試左幾日，覺得真係好好用！
原來真係會薄成咁，但遮暇效果好好，真係唔多覺化左妝，只係皮膚色均勻左咁，斑點遮左，但唔使再撲乾粉都唔"立"，原來真係咁神奇！唔怪得咁多人讚！


不過塗真係要用粉撲先推到夠薄，同埋量要少，否則唔夠薄同貼，同埋會有些"立"！但推得好的話，效果真係好好。


唯一最唔好就係太夜會變黃，我0830塗，1630放工時已冇早上咁靚；
中間都係用紙巾印一印面油會好D，不過出戶外太熱流汗就真係乜都冇晒；
不過已經比平時乜粉都唔塗好，也比用粉底方便好多。

但佢係要落妝的，係易落果隻。

暫時都覺得唔錯，會繼續用。至少面色唔好/ 病時唔使面青青成隻鬼咁見人先。

大快樂神仙「叉燒咸蛋飯」

見到細碧整南乳叉燒，個樣好得，我又心思思再整！
佢唔用叉燒醬，自己整醬，同用蜜芽糖，正是我想試的。
後來先知原來我家都有果本書──「在家做燒味」。

詳細唔打了，請參考細碧個blog，嘻！佢好詳細！( 我又懶，太多野想講！)

1) 總之所有材料搞勻做個醬。

2) 醃梅頭30分鐘。

3) 250度焗15分鐘，反轉焗10分鐘，稍涼後塗蜜汁，180度再焗15分鐘。

蜜芽糖煮的蜜汁好正，但太杰同好快硬，好難塗。

加埋隻漏黃的自家醃咸蛋(見呢度)，

大快樂神仙「叉燒咸蛋飯」出爐！

自家製咸蛋

跟陳百厭醃左咸蛋！THX

覺得好神奇，冇諗過咸蛋可以自己整！仲要漏黃的，超開心呢！

其實一d都唔難，只係時間同心機。

材料：
鴨蛋 ... 係街巿買左5隻，$2@
鹽 200g
水 1000ml ( 鹽：水 = 1：5)
米酒半碗
闊口瓶子一個

做法：
1) 鹽加水煮溶，放涼
2) 鴨蛋洗淨吹乾
3) 瓶子洗淨幾滾水消毒吹乾
4) 鴨蛋、鹽水、米酒放入瓶，要浸過蛋面，浸40日便可。

得左！

3隻拿左做鳳凰酥，另詳文....(要加油先得...)

靚到呢....

其餘2隻就咁放飯煲跟飯蒸熟，漏晒油！正！

配叉燒做大快樂神仙的「咸蛋叉燒飯」！( 又另詳文.....)

第一次去rachel's Kitchen上堂

見blog友仔成日話rachel yau的workshop好正，我又想去試下，但報左好耐都報唔到，終於俾我係3月報到5月去上堂！

勁開心！

點知果兩個星期病到死左咁，果日之前仲燒到唔停，頂唔順都放左1日半病假，好彩果日又冇燒喎，雖然唔係咁有胃口，但見精神尚算OK，都去，唔好浪費嘛！

與好友結伴去上堂！

YEAH！

**********************

煎鵝肝配焦糖蘋果車厘子油醋汁‧慢煮牛肋骨‧紅酒燴梨配自製香草雪糕

導師 : Rachel Yau

日期 : 5月9日(星期一)

時間 : 晚上6時30分至10時30分
***********************
真係好精彩！

明明超難的野，係RACHEL手上好似都變得好輕易，我希望我記得晒，放假時可以整番交功課！

暫時大家睇下相吧！強烈建議未去過的朋友可以去下，真係抵佢咁多學生，又咁受歡迎的。

環境，係外面完全想像唔到入面會咁精緻，好似去左另一個世界咁。

係咁的環境下，乜都加多幾分！

工具勁齊，仲有助手，我都想我個廚房係咁！哈！

1) 頭盤：南瓜湯、焗包包、焗芝士忌簾薯批。
唔係今日重點，但都好好味，好想學，好彩書有，可以番去跟住整！

煎鵝肝  配  焦糖蘋果車厘子油醋汁

呢碟菜最重要的秘方↓，(黃色個樽粉 )COCO BUTTER！但我仲未找到邊處有得賣！有冇人知呢？

慢煮砵酒牛肋骨，好正，好正，一定要整！

紅酒繪梨  配  自製香草雪糕

放學原來仲可以入貨架！少少地入左兩樣，貓砵酒、雲呢拿條。
後來諗諗下先醒起其實應該問下雪糕機添，嘻！

雖則一堂咁都貴貴地，但真係好值得去。