露營的用品好貴,分幾年買D買D。
第一年入左:營、睡袋、地蓆、枕頭、營燈、頭燈
第二年入左 :COOKSET、自動充氣地墊
今年:水袋、小椅子、桌子、背囊
差唔多齊喇,以後去camp唔使問人借野!
( 不過得一個大背囊,浩浩話佢揹晒d大的喎,但我理想都係買多個細少少可以分擔下好;仲有天幕添,嘻!都係買唔完的,慢慢一步步吧! )
好,講番個背囊。
其實心儀露營友常推介的背囊牌子Gregory和Osprey的,不過咁大通常都過千,想將個budget set係一千內,所以一直冇行動。( 其實可以問人借金咭去d大舖開倉買的,但好似好煩咁。)
最後行開街,見到 Lafuma 恒生咭有Promote,有9折,折埋都唔過千,within budget喎,試o岩就買左。
就係佢 ! ↓ 60 + 10 L
←買左
本來仲有睇中呢款,一樣係60+10,不過側邊有多兩個大袋,同埋後面可以有拉鍊開,不過成折完1500左右,貴50%,不如我買多個好過,或者買另一個牌子啦。
始終唔係成日用,只係露營同埋去旅行又唔拖喼先用,太貴覺得唔抵。
←冇選到的
去露營的背囊最大的唔同,除左SIZE大之外,就係因為要揹重野,所以個支撐點會有所配合,盡量令個背囊的重量平均分佈,令揹的人腰、膊、背平均受力,可以舒服D。
一般的裝備,就係背部有鋁架,可以令個背囊豎起,唔會聚埋一堆;
同埋個背帶位置可高低調較,配合唔同體型;
呢個肩帶有GEL、受力位有網墊,唔會出汗貼肉,舒服D咁;
其實也有好多拉扣、橡筋等可以按需要調整,總之越貼背越輕鬆。
仲有雨蓋,有些背囊要另購,佢包埋,仲可收埋連住係背囊底,唔怕唔見 / 唔記得帶。
仲有姐姐推介最正係呢格,佢入面可以有拉鍊可將將內裏隔開,用來放污糟衫 / 鞋咁,唔用時可以通埋入最大格度,好方便。我諗我會用來放乾淨衫去,污糟衫番,正!慳番個防水袋。
仲有D例牌野,側袋、格數都幾多同實用咁。
不過好可惜,整個復活假都冇機會用到佢!希望遲些端午節可以就到再去吧!
有無買到露營煮食用具? 我見到人地佢露營好似好多野帶~
回覆刪除[版主回覆05/01/2011 16:18:00]有呀,露營最好玩就係煮野食!
咁.....你起行去左露營未姐 ???
回覆刪除[版主回覆05/16/2011 00:22:00]唉,唔好提,一心諗住復活假去,點知同浩浩兩個輪流病,病足成個假都未好,唔好話露營,成個假只係去左幾個鐘香薰園咁大把.....