樂安排小欖跳蚤巿場遊記 + 包雲吞

臨近年尾，最近番工好忙，放假邊都唔願去，乜都唔想做，雖則又好矛盾地好多野想做，只係懶想休息下、陪下貓貓咁！

但今個星期六浩浩接我放工後，都捉左佢陪我去左呢個樂安排小欖跳蚤巿場逛，不過天氣真係熱爆！佢最後都頂唔住番左上車休養！

哈！其實確實地點我唔知，未去過，但宜家有iphone係身，隨時去邊都找到，仲有埋地圖教你去，超好！

http://www.lokonpai.com/

去到附近沿途有好多路牌指示

小欖附近的樓都幾靚，不過轉左入去後，同之前係網頁睇差好遠，可能附近有地盤工程，海邊bbq場冇左，入面有個大倉咁的停車場，但既然寫得，又入去看看。

泊好車後還好，有小朋友公園仔，有兩三個外國家庭係度玩緊同影相。

最外面一間店都幾大，好多戶外傢俱同田園家品，o岩晒我！

都ok多野睇，油畫、燭台、擺設等，選左2束假花仔，同有一個小燭台！嘻！

跟住浩浩便頂唔順要上車回氣，入面好似仲有野咁，於是我自己入去繼續！

哈！好彩咋！入面先至係最旬的地方！
有幾間賣廚具的舖仔，仲有小食亭、玩具店、園藝店咁。

因為浩浩係出面等，唔好意思行太耐，俾我發現左呢間好正的店，佢賣的骨瓷超抵！

雖則made in china，但質素好好！唔似次貨！花亦幾清雅，我覺得靚！

諗起要買d小碟for個蒸爐仔用，膽粗粗買左兩隻回去試下先！8吋深碟，$28@！

仲掃多兩隻匙添，$5@！
下面就係今日戰利品，左面係骨瓷，右邊紫色玻璃小花碟也很靚，$10咋！

度一度個蒸爐，哈！fit到漏！(我果然好眼光！)

我仲心思思買多幾隻大些的添！


今日仲第一次去左呢個街巿買野，平時都係浩浩去買，我係外面等，但今日泊到位，便一齊入去，嘩！大發現！呢個街巿比新墟的更大更多野賣，而且賣的野的質素同選擇都多好多！超中意佢囉！

我地買左1隻大章魚乾、大半斤新鮮蝦、$30半肥瘦豬肉、大半斤大白菜，同埋據說荃灣好出名的池記雲吞皮。

所有野切碎，調味，包雲吞！呵呵！

章魚同蝦殼煮湯另上。

見唔見兩種款，我地家族傳落的包法各有不同！哈！好有趣呢！

好好味！