久違了的約會──madarin oriental buffet

雖則我和浩浩常常一起食飯，也常常一齊四圍去，但今天這種約會的感覺卻像久違了很久很久般，是環境氣氛罷，遇一為之也很不錯呢！

我們見很久沒去吃自助餐，(都有成個幾月！....^.^")早兩星期左右見SHARON去文華食，我想起上年老細請我去過，那兒的燒牛肉很正，浩浩應該會喜歡，於是就O岩時候便BOOK了。



因為我們都要番工，約左放工各自去附近等。
第一次約係呢處等，走過隧道時有人在奏音樂，浪漫的氣氛突然湧現，覺得我們像粵語長片裏的角色，穿戴得靚靚的，約在大會堂門外等。

嘻！今日我著左條裙，好多人讚我靚，仲有小朋友話我係全個地球最靚的人添！(我笑說我係咪應該檢討下平時是否太烏WHERE？！)

我們入到去酒店，服務生安排左張窗邊的小桌俾我們，個景好靚，望皇后像廣場草地同立法會，超正！心情都好些坐落外面竟下雨，我們真幸運！心情好賞雨都開心！

食物好好！食得開懷！有生蠔！

燒牛肉不停供應！(呢件係浩浩的，我件唔會生成咁。)

其餘食物都好好味！羊也好！款色唔算好多，但樣樣都有質素。

尤其甜品！超出色！甜到係口唔捨得吞下肚！真係好正！

 

朱古力是招牌貨，隔離店賣緊幾百蚊 100g，呢邊任食！棒棒糖超可愛！

仲有要order先有的自製雪糕，差d食唔落，飽到上心口！

可口美食  +  靚靚環境  +  喜歡的人，沒有美酒都已經滿足到唔想走！

 

走的時候仲係附近散左一陣步先回去。平時行公園沙灘就多，鬧巿散步真係少。

 

呢種拍拖約會的感覺應該要多些，開心又減壓！So Sweet！

今日去左SOGO買左呢SET俾浩浩，哈！我冇買野俾自己，淨買俾佢！我對佢幾好！

呵呵！

不過晚上可能太眼訓，拿衫沖涼時，竟然一下子唔小心，俾個櫃門夾到隻中指，痛到喊左出來！「十指痛歸心」！果刻淨係諗到呢句野！

好彩冇斷骨，冇爆甲！感謝主！只係腫左！腫到頂住隻指甲，輕輕碰到都痛到死！訓覺都痛！唉！太開心過後竟然係咁的結局，激死人！浩浩幫我冰敷左陣，然後用綿、繃帶扎住，俾個咕順的效果佢，等佢唔使痛得咁緊要。快D好番啦！