日本去唔成,近日計劃同朋友仔暑假一起去泰國玩,未去得時,整杯野頂下癮先!真係透心涼架!
話說香草係春夏兩季原來真係會「勁」生!
你睇,棵香茅生成咁!
好過份!仲越剪越生的!
星期六頂唔順,大幅修剪佢地!剪左咁多落黎。
清爽晒!
見d草仲好有香味,洗乾淨,加埋佢地煲左個「黑糖香茅薑茶」。
材料:
香茅 ( 我只係用葉,其實可以係街巿買成枝香茅,約 $3-5 /枝,2-3枝可煲1L,味道更濃 )
黑糖 自己調
薑 一小塊
做法:
1) 香茅用熱水洗乾淨,剪碎,加薑數片,放1公升水,就咁煲15分鐘。
2) 熄火焗多15分鐘,隔渣,趁熱加黑糖。
可熱飲,或放入雪櫃加冰飲。
我們很喜歡泰國呢!呢野啱食又夠平!我們一年會去一次。
回覆刪除[版主回覆06/06/2011 11:14:00]嘩!一年一次,真係番鄉下咁喎!
張相影得好靚呀. 你知唔知香茅本性涼唔涼呢 ?? 我嗰棵近日又係咁生高啊.
回覆刪除[版主回覆06/06/2011 11:45:00]根據呢個 醫學百科 講,香茅性溫,散寒 袪濕、止咳平喘的功效。不過我個人覺得凡呢D草類植物都係寒涼多,不過薑就肯定係燥熱,應該會中和番,不過詳細都係問下中醫師好D。
正!自家種、自家制!
回覆刪除[版主回覆06/06/2011 11:46:00]嘻!係呀!好開心架!
看相都已經覺得透心涼呢!
回覆刪除[版主回覆06/06/2011 16:53:00]係呀,最近咁熱正好解下暑 原來你都係lc迷喎~~ nice to meet u
泰國人坐月是用香茅煲水飲用及沖涼,作用與中國人用薑一樣,可以驅風去濕。
回覆刪除用香茅加班蘭葉一齊煲水都好好飲嫁。 我就鍾意加菠蘿一齊煲,味道好 fresh ~
[版主回覆06/06/2011 23:01:00]唔講唔知,原來香茅仲有咁多組合的可能,有時間要試下先得! thx!i always get lots of idea from u!!
你的雞蛋花很美! 自己種的嗎? 我家香茅高得很快, 上星期剪完, 今日又要再剪, 因為一個星期之間高了一尺. 不過薄荷被我放在花園, 曬死了.
回覆刪除[版主回覆06/06/2011 23:03:00]我住大廈,種唔到雞蛋花,係去游水時係泳池旁拾的。 原來你都同我一樣有種香茅同薄荷喎!不過薄荷真係吸水吸得很厲害,我要早晚淋水呢。
你d 植物好旺盛呢, 真開心, 香茅同mint都種得巧令令丫
回覆刪除[版主回覆06/07/2011 06:43:00]THX 仙女,其實我冇乜做過乜,只係淋水,不過我諗佢地真係好粗生,所以係咁生。
同朋友仔去布吉?
回覆刪除[版主回覆06/07/2011 13:18:00]唔係, 唔係同佢地, 我去沙美, 想去好多年的了....
嘩,我最like飲香茅茶
回覆刪除好似幾簡單,我又試下煲
[版主回覆06/08/2011 09:35:00]真係好易整,試下啦, 仲可以加蜜糖添的。
飲左lee杯野, 感覺好似去左泰國做SPA....嘻嘻
回覆刪除[版主回覆06/08/2011 13:48:00]嘻!俾你講一講,我個心都飛左去呢!
我係去完蘇梅飲過香茅薑茶後愛上了這味道,我夏天成日煲呢個飲架!不過我就用白色果截煲,冇用葉。
回覆刪除[版主回覆06/09/2011 10:32:00]我都係去完泰國先識飲呢個香茅薑茶。 葉加埋白色莖會濃味d,不過我唔想剪左盆栽的莖, 想繼續種, 所以只係用葉, 都有味,只係淡少少。