但宜家多左隻素素貓，多個機會有人玩，搏得過；兼且BLOG友仔介紹淘寶賣平香港寵物店好多，於是訂左呢舊二合一的，TRANSFORMER咁，哈，可以分開一人一件唔使爭！
送來第一個玩的係唔識死的素素，爬下爬下，又幾好抓！攬住霸住先！
慢熱家姐清清都唔執輸，隔左陣都坐番上去抓埋一份，似乎抓呢類野係本能黎的！
跟住就就咁坐左係度唔走了！
素素冇得玩呢個玩具，但佢點會靜下來的，轉玩清清搖搖下的尾巴！
結果梗係大戰一輪！
姐姐於是將玩具分開。
細粒素素入左去個窿，清清冇得入...
清清企係側邊問點算
姐姐都幫你唔到的喎...
素素開始撩清清玩
果然係怪物....成日激到清清好鬼嬲!!
佢兩個最近就係咁日日玩呢舊野玩得好開心！
除左訓覺之外，佢兩個已經可以長時間放佢地四處走，唔使分開了！
玩到累就會攤抖訓下
素素多數中意訓高地
清清就中意躲起來.....
如果遮住就仲理想！嘻！
見佢兩個咁中意，而且舊野比想像中乾淨，都好開心！
係咪淘寶O個個??^0^~~ 佢地好似好鐘意WOR~~~hahahahahahaha 太好了! 最開心貓地都很喜歡~~
回覆刪除[版主回覆07/03/2011 19:17:00]係呀，唔該晒你呢！ 佢好多款，但我最後都係選左呢款，雖然貴少少，但有得躲入去，又有得分體，好有趣！ 貓地好中意呢！
呢款好得意呀 i love 素素
回覆刪除[版主回覆07/03/2011 19:19:00]我見佢地玩得咁開心，都好開心！ 素素係貓仔，係得意D，LILY都好得人中意呢！
好得意喎！
回覆刪除[版主回覆07/03/2011 19:20:00]THX！真係幾好玩咁！貓貓好中意！
其實你只要細心留意，你會知道咩toys 佢地會like, 唔危險，邊D會玩耐d，邊d會三分鐘熱度，紙皮玩具佢地多數very like！
回覆刪除[版主回覆07/06/2011 18:04:00]我要多多向你請教呢！
佢地又多個遊樂場
回覆刪除[版主回覆07/06/2011 18:05:00]係呀，不過日日抓，開始有紙碎飛出黎！
11R都好鍾意lee類磨爪玩具架...
回覆刪除[版主回覆07/06/2011 18:05:00]嘻！你果度簡直係貓貓樂園！
之前買左一張床仔型的練爪盒，依家只有細細上去瞓覺，三仔貓都唔用個紙盒練爪，都唔知啱用定唔啱用??
回覆刪除[版主回覆07/10/2011 19:43:00]係喎，貓貓好中意找東西墊住來坐/訓，唔知點解！ 不過有時一隻隻貓，我果兩隻成日爭住抓，又或者係爭先抓，未必真係想抓。
素素 is so huge now !!!!!
回覆刪除[版主回覆10/13/2011 22:55:06]係呀，佢大到同清清差唔多了