廢話少說，開工！
找到個開倉買的LC長方型焗盆，意外地FIT呢個蒸爐仔喎！但唔記得左試埋佢個蒸飯功能！
不過算啦，尚在摸索佢的時間控制，d蛋有些老，
唔開心，下次再努力吧。兩餸一湯，白飯同湯都任裝！呵呵！30分鐘食得！
冬瓜粒滾咸蛋瘦肉湯、冬菇蒸雞、瑤柱蒸水蛋
我都係中意食住家飯。
仲發現左個蓋可以有咁的用途。
另附上兩隻搞鬼貓貓的百厭實錄！
清清一馬當先，見盒就入！素素冇得入，就發牙痕咬個盒！
圍住個盒走來走去，清清fu fu fu嚇人！
有聲？咁好玩！
素素出手先，give me five！
清清還拖！一場混戰後……
回歸平靜！若無其事咁。呢個就係佢地平時的相處情況！我都唔知講乜好。
我O的貓貓又係好鍾意開箱匿入去!
回覆刪除[版主回覆06/03/2011 23:52:00]躲躲貓！哈！
哈哈，素素同清清真係好得意丫
回覆刪除[版主回覆06/03/2011 23:52:00]有時我都咁覺得，但有時真係俾佢兩個激死！
佢兩個好鬼開心！
回覆刪除[版主回覆06/04/2011 09:51:00]係呀，我睇得都幾開心，不過清清成日叫，叫到好恐怖咁，唔知以為發生乜意外，好得人驚！
我d貓都好鍾意玩紙盒藏貓架 電蒸爐真係好方便，而且原來唔係好貴，如果我唔係之前買左個兩層竹籠，我都會忍唔住手買呀！
回覆刪除[版主回覆06/04/2011 11:31:00]係喎，我都估唔到原來咁平！
貓貓唔知點解對紙盒係真係超中意，躲起來、咬、抓、坐、訓等，大把玩法！
你攪到我心思思！但桌面已無位，收起就唔會用！
回覆刪除[版主回覆06/04/2011 09:50:00]咁又係，收埋就用得少的了。不過佢唔太大，可以諗諗有冇位俾佢入到門。
Thx 你提我可以滾咸蛋湯，我先記得用埋最後一隻咸蛋咋。
依個蒸爐，我長期放左出黎
回覆刪除真係超好用！
[版主回覆06/06/2011 11:53:00]我用左兩三日，都覺得真係好方便！ 不過真係要放出來先會常用呢！
你有新玩具煮得開心，貓貓又有新玩具玩得開心 ~
回覆刪除[版主回覆06/06/2011 23:03:00]嘻！係！
好似好得咁喎，洗唔洗都入返個呢.....
回覆刪除[版主回覆06/07/2011 13:16:00]嘻！你都好多玩具了喎！
我超鐘意用蒸籠，有時翻熱D餸都可以，蒸燒賣又得，蒸排骨又正，上次整鹽焗粉蒸雞亦，好滑！
回覆刪除[版主回覆06/07/2011 21:34:00]蒸雞又好吸引喎！ 等我下次又試下先！
有時屋企無野食，整盒波仔食下，都會用蒸呢個方法～
回覆刪除[版主回覆06/08/2011 09:16:00]好過用微波爐！ 我計劃賣鬼左個微波爐佢呢！
冬菇蒸雞要幾耐？
回覆刪除[版主回覆06/08/2011 09:18:00]上次我蒸左18分鐘，但我懷疑唔使咁耐的，要再試驗下。
我買左KENWOOD個款, 不過仲未開...嘻嘻
回覆刪除[版主回覆06/08/2011 13:36:00]kenwood果款好靚仔！我好中意，你快d開工，我等你！
我曾經都想買.無位
回覆刪除[版主回覆06/09/2011 17:30:00]唉！位呢樣真係又愛又恨！我很多時睇中的野都因佢而放棄！
hihi 我剛剛在找電蒸爐找到你了。你用了一年如何？仲有無用？請問它的蒸氣會否噴成個廚房都係？
回覆刪除[版主回覆02/27/2012 14:06:35]係呀，早幾日潮濕煮飯想死！不過平時就唔覺，但我家廚房細，飯煲煮飯同蒸野時，上面的櫃真係濕。
[Sasa 滾回覆02/27/2012 13:30:47]比起飯煲多好多蒸氣噴出來，個廚房不是會變成suna 房
[版主回覆02/27/2012 09:59:57]so far都幾好用，一次蒸幾樣好方便，之前新年前用來蒸糕超正！不過佢唔算大，最大只係放8吋的碟，兩人餸就剛好，多便唔得。同埋個d層隔雖是硬膠，但都唔算好硬，有時會擔心佢的縛位會爛，尤其重的碟同餸，好小心用，爛左唔知有冇得配。不過我都成用，暫時都未有事。蒸氣好多好快，因為孔多，所以睇起來比飯煲多好多，不過佢水可放得多，蒸半小時都冇乾水。
[Sasa 滾回覆02/26/2012 23:00:22]噴出來的蒸氣大啲還是飯煲的大啲？