薄荷啫喱 伴 焗羊架

早上整左mint jelly，晚上急不及待就整番餐試下先！

薄荷啫喱其實我淨係知可以用來伴羊，太絕配了！

登登登登！

對，係燭光晚餐，都好似好耐冇食了！

主角係中間果樽薄荷啫喱囉！

打開！聞一聞，清香撲鼻！唔係賣花讚花香，個薄荷味真係好清新！

不過個質感似乎差左少少，杰左d，我諗係魚膠粉多得濟，1湯匙原來都太多，又雪凍左，我諗半湯匙已經好夠。

但味道好OK，同平時超巿買個款味好似，但香味天然D，同埋可能我薄荷好多，所以香味好濃！正！ 放番係熱的羊旁邊溶番佢就好好多。

哈哈！不過其實浩浩唔多好薄荷啫喱的，佢只係象徵式試左一下而已，但佢都話味道好，唯一都係個質感太實......(下次改良下先.....嘻....)




個羊架其實仲易整！
用海鹽、黑椒、Rosemary、Oliver oil 醃20分鐘，放入210度的焗爐焗20分鐘便成。
不過我見屋企有樽係 CC Super買的乾 Rosemary未用晒，諗住用得唔好浪費，但出來個味同質感都差好遠，下次都係要用新鮮的好D！

配菜就用GRILL PAN煎，呢個防彈蓋終於記得俾張相佢出場了！嘻！佢的孔好小，好好用！不過會熱，我用夾夾起同放佢落去。

食完飯，清清又來同燭台影相，佢次次都中意企呢個位！

突然佢望住桌子下面好耐唔動.....

原來！哈！

鬼鬼祟祟的素素！

同姐姐玩！

有時佢地都好似可以一起相處....至少唔開火！

一齊坐梳化打瞌睡....唔...佢地最和平的時間係眼訓同食野的時候！