大小姐──清清

因為開blog時呢位小姐已經係度，所以一直沒有特別介紹佢！最近有新成員加入，所以為公平計，先介紹下呢位大小姐先！


芳名：清清
品種：英國短毛
2002年9月1日出世，11月入門，當時2個月，宜家8歲了！

不如睇下佢入門時的情況！

小心有心理準備，因年代久遠，可能有少少驚嚇。

呢張係我地幫佢影的第一張相，佢仲未行出載佢回來的紙盒！呢個就係我爸爸！亦即將來的貓奴才1號。(........當時大家都仲好細過........)

幾分鐘後，佢開始佢做牛做馬的生涯
1) 做間屋俾清清公主
2) 整個廁所俾公主
3) 整d玩具俾公主
4) 準備晚餐
5) .....
下刪三千樣.....

「唔....尚算可以啦！第一日！」
但第二日，呢位小公主已經唔滿意間屋太小，不停叫，小朋友唯有直接俾左自己間屋佢住。

學食野

平日活動之一：四圍巡視業務，睇下D奴才有冇執野，仲有睇下有冇新玩具玩。


表演活動一：

準備

我跳，想捉我？邊有咁易！

跑跑跑後回望，追我唔到！

我細過時好惡架！

俾人捉住左，始終都唔夠爸爸黎的。



表演活動二：

準備

喵喵

第一次跳左上床，輕宜易舉，冇難道呀！

表演活動三：

毛毛玩具另一玩法：咬咬咬


太多相，睇住咁多先，否則二小姐永冇出現之日的了。

睇埋間屋就算了。

跟住清清公主吩咐奴才搭車去好遠的地方添置家具

砌好之後
奴才要陪小公主玩

小朋友覺得做奴隸都好開心

清清公主：「你唔係以為我會係呢間屋仔入面訓呀嘛？
我要訓雙人床！仲要開冷氣架！我個奴才平時都係咁！
我只係負責食、玩、訓！
繼續努力啦！奴才！快d賺錢買大屋俾我住呀！」

跟住呢個貓爸爸奴才真係好努力工作，清清公主也一日一日咁長大，最後爸爸真係換左間大屋 ( 大左dd都叫大 ) 俾清清公主住，快快樂樂地生活。