竹簾@露台

重新執整個blog的分類，加多左欄叫「露台雜記」，因為心多多，好多野想係露台搞，所以索勝分開講；

另外廚房的各事項連埋煮食全歸入「神仙廚房」。

唔好下下放入「神仙居」入面，搞到過百個post，都唔知點找黎看。




呵，咁樣一來，即先開番篇「露台雜記」先得！

睇相先！

上幾次咁橋坐係度飲野都係穿裙，覺得唔多方便，冇乜安全感，成日覺得會走光。

最近行十蚊店時，靈機一動買左兩張竹簾，掛上去應該都幾襯，廿蚊日曬雨淋都唔心痛，抵玩。

掛左一邊覺得都幾靚，疏孔唔會黑沈沈，我覺得竹簾感覺好有氣質！嘻！

同時解決左上次龍達話驚桌面掉野落街的問題。