早前一股作氣開始的香草種植大計.....
11/12/2010
心思思去左荃灣一間賣植物的地方睇下,點知俾一盆紫紫地的盆栽吸引住,老細話係「金不換」,又名「羅勒」或者「九層塔」,可以食的!
咪襯晒屋企的種植大計?!
我擔心地問難不難種,他說凡食的植物都易種的,姑且一試,$15。
每天澆水,放係露台,有時好曬,有時冇得曬,想找機會摘D葉來煮,又未諗到煮乜,一直放係度,兩個星期後,即早幾日一起身,見到佢變左咁!
開花呀!
因為唔知香草原來都會開花,所以好驚喜!
後記:
FB朋友仔話九層塔開花便會死,上網查左下,又真係咁講,開花會枯萎結果,包種子,剪左可以延長生命!
但好多喎?!
唉!都要做架,唔想由頭開始過喎,我仲要拿來煮餸的喎!
等浩浩回來先做劊子手吧。
*********************************************
順便UPDATE埋其他植物的情況吧。
28/12/2010
1) 九層塔,睇相先發現佢大左。
2) 莞茜,好快 ( 唔夠三日 )就垂晒頭,索勝剪剩個根,好似蔥咁種,最後得番兩棵。
不過早幾日太凍,已經全部入避寒中心過夜,有太陽先出番去,但都難逃一劫,下面左邊果棵死晒就係佢的屍骸。
反而一夜之間又多左一條草,但唔知係乜! (因為之前放過莞茜的種子,但唔見佢生,於是又放薄荷的種子.....)等佢大左再睇吧!
3) 蔥
由原本咁
唔使一星期便變成咁!長得超快!
上次上完LC COOKING CLASS第二日即刻試煎魚,又插多幾個蔥頭落去。
結果變成咁......
已經稍為修剪過,哈!一堆亂草!枯黃的尾係因為我剪過佢,佢要枯左先可以埋番個口繼續生,又因為風大吹到有些折左咁,剪極都係有幾條咁,哈!得閒蒸魚煎多D用左佢再繼續過。
4) 香茅
其中三枝中間個芯係咁生高,但只係生一片好長的葉咁,好奇怪!
5) 聖誕樹仔
應該係迷你版的松樹,好耐生,每天澆水,個樣依然差唔多。
6) 薄荷
最早死晒!第二日已經咁.....再落種子都唔見生,又話易種!都唔係的。
遲些天氣暖番先再接再厲吧。
很喜歡每天出去露台走走、澆澆水,照顧每棵植物的感覺,天氣冷收佢回來避寒,有太陽時放出去曬曬,久唔久修剪下、加下泥咁,個人都平靜好多。
sin mo ing...有露台真好
回覆刪除[版主回覆12/29/2010 02:57:00]係呀,多左好多野玩,不過清潔都好煩
睇來都係葱係最易種喎. 見到你種香芧, 其實都有啲心思思想種棵, 但我又勁懶, 所以都係計劃住先
回覆刪除[版主回覆12/30/2010 00:12:00]香茅應該都易種,不過我放入去同宜家好似分別不大,除左多左條葉! 你都試下啦!放係waiting list都好。
really 九層
回覆刪除[版主回覆01/08/2011 09:09:00]係呀!我都係見到先知佢點解叫九層塔呢! 你好細心。