元朗大棠郊遊 (加左相 )

之前見christine 去大棠睇紅葉，大棠有紅葉睇？住咁近都唔知喎，不過想起好多年冇去過，星期日便找浩浩一起去看看。

真係有的喎，仲幾靚添！睇相以為自己去左日本睇紅葉咁！

不過佢地平日去，好少人，我地去到卻人山人海，又旅遊巴，差D連位都找唔到泊。

F2學校秋季旅行黎過之後都冇再黎過，數數原來都成17年，嘩！咁得人驚的？浩浩最近的口頭禪就係18年！唉，唔想認歲月催人都唔得。

呢度大變就冇乜，但我印象最深的大型木滑梯就冇左囉，但集合的涼亨、幾條唔知乜動物的長椅就仲係度，D燒烤爐變左新式。

聞住D香味好想燒野食添！本來有諗過黎燒架，但兩個人不如係露台玩算。

四周圍行下，影下相，順便試下支新鏡頭。
哈，可能我見識少，真係睇到嘩嘩聲。

其實真係好中意去郊外走走，那種走入大自然的感覺除了很舒服外，更有種很接近天父的感覺，不竟藍天白雲、花草樹木、飛禽走獸在其中的大自然，才是祂原本創造的世界吧，那種奇妙不是人造的石屎森林可比美的。

車都好似特別靚。

見小朋友玩，忍唔住又買左支波波玩，嘻！

回來找番幾張舊相，一切在我思海中依然很美！

記憶中仲有幾張相，但找不到，心有戚戚然。

記憶中那個懸崖般的台（見我同敏第一張合照），一個當年覺得充滿冒險感，走出去拍照也要冒著風吹，像一不小心便會掉下去的地方，１７年後已經變得安全無比，四周也被長得高高的樹木包圍著了  ( 見下圖 ) 。

連死物都變了，人也豈會一樣，是定律吧。

找到張很有趣的相片，當年也沒有想過今天的景況吧。

再下一個17年，又將會是怎樣了呢？

最後都係忍唔住d香味，去左附近BBQ，晚上去左婷家玩，XBOX的沙排好搞笑，不過要好大地方先玩到，我就幫糖糖影相，佢乖左好多呢！