蜜汁叉燒、椒鹽鴨舌@le creuset

星期一又去le creuset上堂，好開心！

但我竟然遲到呀！( 因為想買個18，去左PP睇，點知冇車上去，的士勁塞，唉！ )

遲左半個鐘，剛開始，今次老師係RITA，據說係同事的朋友，當然冇去相認啦。不過呢位家政老師兼專欄作家好NICE呢。

梅頭醃左，放入半杯滾水的鍋中，慢火炆15分鐘至好多泡。

開蓋，加蜜糖，蓋蓋，小火炆焗每面3分鐘，不時翻動，以免焦。

汁收濃後，倒出蜜汁備用。肉繼續煮至微焦。

叉燒切片上碟，蘸上蜜汁便成。

另一個椒鹽鴨舌更吸引！

鴨舌放入薑、紹興酒的滾水中煮3分鐘，撈起用紙印乾。

趁熱以紹酒、薑、老油再醃。加生粉拌勻，然後煎炸鴨舌。瀝乾。

用番原鍋爆香蒜蓉、辣椒圈、五式胡椒、鹽。

呢隻五式胡椒

至蒜蓉變色放鴨舌拌勻，上碟。

真係好好味，我唔食得辣的都食左好多！

MISS話可改三文魚骨腩 / 雞軟骨 / 蝦亦可。

好想番去整雞軟骨添！