芳名：素素
品種：英國短毛
2010年9月28日出世，上星期先入門，現時2個月！
呢張就係佢第一張相，係買家家中影的，十幾隻貓仔中一眼就眼中佢，佢最活躍，白色肚毛毛好靚，少少虎斑紋，似足清清細過。
其實一開始真係諗住去睇下，陪朋友買，因為我地有鼻敏感，但諗左陣，最後都帶左佢回家。
緣份吧，都有少少掙扎架，始終一生一世的了！
最擔心係佢同清清夾唔來。
順便去寵物店買左個籠仔(早前先掉左個新的，激死！)、幼貓糧，又book左明天打針，再去沖個涼先回家。
美好的下午變成忙碌的下午，好不容易set好野，放佢入去，素素對新環境好緊張，冇之前咁爬上爬下，不停喵，唔知會唔會係掛住其他貓貓呢？
等佢定番少少後，安排清清同佢第一次見面，但似乎唔多好。
我FEEL到「世界大戰一觸即發」！
素素即刻唔再喵，縮在沙盆一角。
晚上，清清都仲係戒備狀態咁望住佢，不過行近左少少。
大家咁望住大家幾粒鐘！
都預計到冇可能即刻做好朋友，因為以往清清自小得佢一隻貓，見人多過見貓，之前見其他貓貓都會 " fu" 。
晚上我地好似雀仔籠咁用布把籠蓋住，清清入去同浩浩訓，安全過左第一夜，幾時佢地先可以和平共處呢？
等我搵日入黎探下二小姐先～好靚女呀
回覆刪除[版主回覆12/10/2010 17:08:00]多謝讚賞！welcome!
真係巧似姐姐細個喎....
回覆刪除放心啦, 咁細隻既貓仔, 只要佢"識做", dad多d 大姐姐, 就巧快可以和平共存呢, 清清仲會鍚哂素素呢~~
[版主回覆12/10/2010 18:41:00]哎呀，希望你講的一日真係會出現吧。
素素真係好可愛, 清清好似大家姐樣呢.
回覆刪除[版主回覆12/11/2010 14:08:00]希望佢兩個可以和平共處啦！
素素好可愛呀!!!!!!!!!!!!!!!!!!!!!!!!!!!!!!!! 清清的表現都好得意!! 慢慢她就會習慣，而且多一個伴她會開心好多!! (因為平時你們返了工她會好悶) 有兩隻大家跑跑追追再休息一下又玩會開心好多!!
回覆刪除[版主回覆12/11/2010 22:45:00]係就好喇，見親清清驚到fu,就好擔心，唔知你講果日幾時黎。
哈哈佢地兩個好搞笑呀, 素素好 cute ar, 清清又好搞鬼, 係坩企係度望住對方望去幾粒鐘!!~~~ hahahaha 你 d 相真係影得好好呀, 看到我都笑了出來 ~~~
回覆刪除[版主回覆12/19/2010 17:03:00]嘻，望住佢地真係好搞笑 ，不過都好驚，驚佢地真係會打起上來。