安全過左第一晚後，素素冇咁驚，不過我地移左佢個籠入書房，放左佢出籠。
家有三貓的CC教路新貓最好分房適應，一步步來，唔好急，起碼要一至兩星期先可安排見面，再慢慢接觸。
仲分享左條LINK俾我地，決定跟。
http://www.hldog.org/forum/viewthread.php?tid=618
以前浩浩有個繁殖貓的同事話新貓要先入籠，然後難免一戰，分出大佬後便會相安無事，所以新細貓入屋最好，因為攻繫同威脅性都相對較低，但好擔心會有貓受傷！
開始兩貓和平共處大作戰！
*************************************************
第一階段 ── 分隔期
第一日佢主要縮在角落，抱先出來，但很快便躲回去，好似好可憐咁，安全感吧。
第二朝開始佢便四處探索，彈彈彈彈無時停，相機都只係影到佢個影！
單獨來說佢適應良好，仲咬斷左一個叉電電線，幾驚！立刻將所有電源總掣關晒，怕電鬼死佢。
至於清清，繼續過佢的大小姐生活，若無其事，見唔到便當冇事。
有時聽到房有玩波波的鈴聲，會聳起耳朵望下，有兩次我們抱素素去抹身(另詳文)，佢也會望下，甚至FU下添。
我地也有引佢地互相嗅下大家的味道咁，例如隔住度門一起進餐，但我諗係罐頭太吸引吧，食野完全冇問題，但食完就各有各囉。
繼續努力！
唔記得同你講之前我朋友同我說如果家中已有一貓貓再養多一隻新貓貓，最好是分開一段時間養then 之後先比她們一起生活，除了等大定適應外，也可以看看小貓的情況，因為新貓貓始終是由一個我們不知如何生活的環境轉到自己家 (有其他貓貓一起起居飲食)，最好先獨立看看她的健康情況如何，如ok 的話才將貓貓一起養好d。
回覆刪除[版主回覆12/11/2010 23:02:00]係呀，我地初初唔識已經俾佢地見，第二日先將素素放入房，宜家仲煩緊幾時才是合適時候俾佢地和平見面！
你睇定d素素的情況(食量、身上的毛和便便等等... 看看有無問題)，如果健康情況ok，就可以每天慢慢比她們相處，每次時間可以增加，慢慢就可以一起生活了。 我估計一定是素素比較主動(因為是小貓而且之前都是和一群貓貓生活，而清清就已經習慣一位貓貓生活，她初初可能會閃閃避避素素，但慢慢應該會適應，而且會好開心的!! 放心放心
回覆刪除[版主回覆01/01/2011 20:18:00]謝謝你的建議， 我跟住做，佢地果然如你所講，比之前有進步很多，希望佢地會慢慢適應大家就好了。 多謝晒！